စစ်ကိုင်းတိုင်း ကနီမြို့တောင်ပိုင်းရှိ ပန်းဆိုင်ရွာတွင် တပ်စွဲထားသည့် အကြမ်းဖက်စစ်ကောင်စီတပ်ကို သွား ရောက်တိုက်ခိုက်ခဲ့ရာ စစ်ကောင်စီတပ်သားများ ထိခိုက်သေဆုံးမှုရှိသည်ဟု အာဏာရှင်တော်လှန်ရေး ပြည်သူ့တပ်မတော်(DPRA) က ထုတ်ပြန်သည်။
ယနေ့(ဖေဖော်ဝါရီ ၂၂ ရက်) နေ့လယ်တွင်DRPA၊သပြေအေးတပ်ရင်း (၃)၊KLG ၊ဒေါင်းနီ ၊အမေ့သားကျားသုံးဖော် ၊ဒေသခံ(ပကဖ)နှင့်MPDF မဟာမိတ်ပူပေါင်းအဖွဲ့သည် စစ်ကောင်စီ တပ်စွဲထားသော ပန်းဆိုင်ရွာသို့ တိုက်ပွဲဖော်ဆောင်ခဲ့သည်ဟု ဆိုသည်။
ထိုမှတစ်ဆင့် ကနီမြို့သို့ ဦးတည်သွားသည့် စစ်ကောင်စီ စစ်ကြောင်းကို DRPA တပ်ခွဲတစ်ခွဲသည် မဟာမိတ် KGL၏ သတင်းပေးပို့ချက်အရ စစ်ကောင်စီ စစ်ကြောင်းသွားရာလမ်းအတိုင်းစောင့်၍ လက်လုပ်လက်နက်ကြီးဖြင့် ပစ်ခတ်တိုက်ခိုက်ခဲ့ရာ စစ်ကောင်စီမှ ပြန်လည်ပစ်ခတ်ခဲ့သောကြောင့် ထိတွေ့တိုက်ပွဲဖြစ်ပွားခဲ့သည်။
အကြမ်းဖက်စစ်ကောင်စီတပ်မှ ပစ်ခတ်သည့် RPG ကျည်များကြောင့် ပြည်သူတစ်ဦးဒဏ်ရာရရှိ ပြီးလူနေအိမ်တစ်လုံး ပျက်ဆီးခဲ့ကြောင်း သိရသည်။
Public Service Announcement
အကြမ်းဖက်စစ်တပ်က အင်အား ၁၀၀ခန့်ဖြင့် ကနီမြို့ပန်းဆိုင်ရွာ၊ ညောင်ပင်းဝန်းရွာနှင့် ငါးဖျက်ကျေးရွာကို စစ်ကြောင်းထိုးလာသဖြင့် ဒေသခံပြည်သူများမှာ ယနေ့ နံနက်ပိုင်းကစ၍ အရေးပေါ်ရှောင်တိမ်ခဲ့ရသည်။
