မန္တလေးတိုင်း မတ္တရာမြို့နယ်တွင် ယနေ့နနက်ပိုင်းက စစ်ကောင်စီတပ် မိုင်းဆွဲတိုက်ခိုက်ခံရပြီးနောက် နေ့လည်ပိုင်းတွင်ကင်းရွာမှ နေအိမ်အချို့ကို မီးရှို့ဖျက်ဆီးနေကြောင်းဒေသခံက ပြောသည်။
ယနေ့ နံနက် ၁၁နာရီခန့်က ကင်းရွာနှင့် ကျောက်ဆည်လေးကျေးရွာအကြားတွင် ဆိုင်ကယ်ဖြင့်လှည့်လည်နေသည့် စစ်ကောင်စီတပ်ကို ဒေသကာကွယ်ရေးတပ်က မိုင်းဆွဲတိုက်ခိုက်ပြီးအပြန်အလှန် ပစ်ခတ်မှုဖြစ်ပွားခဲ့ရာ စစ်ကောင်စီတပ်မှ သေဆုံးထိခိုက်မှုရှိနိုင်သည်ဟု ဒေသခံက ပြောသည်။
“ကင်းရွာက ရွာတောင်ဘက်ပိုင်းက တစ်အိမ်နဲ့ မြောက်ဘက်ပိုင်းက တစ်အိမ်နှစ်အိမ်ရှို့ခံထားရတယ်။ အခု ဖြစ်စဉ်ဖြစ်ပြီးတော့ပေါ့။ ၁နာရီနဲ့၄၅မိနစ်မှာ စရှို့တာ။မီးရှို့ခံရပြီးတော့၂နာရီနဲ့ ၅မိနစ်လောက် မှာကား ၂စီးနဲ့စစ်ခွေးတွေအပြည့်ဝင်လာတာရှိတယ်။ ကင်းရွာကို ရောက်သွားပြီ” ဟုဒေသခံက ပြောသည်။
စစ်ကောင်စီတပ်သည် မတ္တရာမြို့နယ် သဖန်းကိုင်းရွာသို့ပြီးခဲသည့်ရက်ပိုင်း ကဝင်ရောက်လာပြီးအနီးဝန်းကျင်ကျေးရွာများကို စီးနင်းရှာဖွေမှုလုပ်ဆောင်နေခြင်းဖြစ်သည်။