●အကြမ်းဖက်လုပ်ရပ်များအပေါ်ပြန်းထန်စွာရှုတ်ချပြီး အမြစ်ပြတ်သည်အထိ့တော်လှန်မည်ဟု CNOထုတ်ပြန်
ချင်းပြည်နယ်၊ ဖလမ်းမြို့နယ်တွင် ၅ ရက်အတွင်း လူနေအိမ် ၂၈ လုံး မီးရှို့ဖျက်ဆီးခဲ့ကြောင်း ချင်းအမျိုးသားအဖွဲ့ချုပ် (CNO)က ယမန်နေ့ကထုတ်ပြန်သည်။
ထိုသို့လုပ်ရပ်များသည် အကြမ်းဖက်စစ်ကောင်စီတပ်၏ လူမဆန်သည့် လုပ်ရပ်များဖြစ်ပြီး ပြင်းထန်စွာရှုတ်ချကြောင်းနှင့် အာဏာရှင်စနစ်အမြစ်ပြတ်သည့် အထိ ဆက်လက်တော်လှန်သွားမည်ဟု ချင်းအမျိုးသားအဖွဲ့ချုပ်ကသဘောထားထုတ်ပြန်သည်။
အကြမ်းဖက်စစ်ကောင်စီသည် နေအိမ်များကို မီးရှို့ဖျက်ဆီးရုံသာမက မြေမြှပ်မိုင်းများလည်းထောင်ခဲ့သည်။
Public Service Announcement
စစ်ကောင်စီတပ်သည် မတ် ၂ ရက်တွင် ဖလမ်းမြို့နယ်၊ ဒေါက်တက်ကျေးရွာအတွင်း နေအိမ် ၁၉ လုံးကို မီးရှို့ဖျက်ဆီးခဲ့သည်။နေအိမ် ၅ လုံးမှာလည်းလက်နက်ကြီးထိမှန်ပျက်စီးခဲ့ရသည်ဟုထုတ်ပြန်ချက်တွင်ဖော်ပြထားသည်။
ထိုအပြင် မတ် ၆ ရက်တွင်လည်း ဖလမ်းမြို့နယ်၊ လိုင်မွာလ်ကျေးရွာတွင် နေအိမ်တစ်လုံးနှင့် တလန်လိုရပ်ကွက်တွင် နေအိမ် ၃ လုံးကိုစစ်ကောင်စီတပ်က မီးရှို့ဖျက်ဆီးခဲ့သည်ဟု CNOကဆိုသည်။
အကြမ်းဖက်စစ်ကောင်စီတပ်က မြေမြှပ်မိုင်းထောင်ထားခဲ့ခြင်းကြောင့် ရမ်ထလိုကျေးရွာနှစ်ချင်း ဘုရားကျောင်းမှာ ဆရာတော်ဦးအောင်ရွှေသည် မြေမြှပ်နိုင်းနင်းမိကာ ဘယ်ဖက်ခြေမျက်စီအောက်ပိုင်း ပြတ်သွားခဲ့ရသည်ဟုလည်းပါရှိသည်။
