မိုးညှင်းကောလိပ်ဝန်းအတွင်း တပ်စွဲထားသည့် အကြမ်းဖမ်းစစ်ကောင်စီကို KIAနှင့် ပြည်သူကာကွယ်ရေးတပ်ဖွဲ့များက ယနေ့တိုက်ခိုက်မှုတွင် စစ်ကောင်စီဘက်မှ သေဆုံးသူများတွင် ဗိုလ်မှူးတစ်ဦးပါဝင်ပြီး ၆ ဦးထပ်တိုးကြောင်း မိုးညှင်းတော်လှန်ရေးဖေစ်ဘွခ်စာမျက်နှာကထုတ်ပြန်သည်။
ယနေ့နေ့ခင်းပိုင်းတွင် အဆိုပါတိုက်ခိုက်မှုတွင် စစ်ကောင်စီတပ်မှ ဗိုလ်ကြီးတစ်ဦးအပါအဝင် ၁၂ ဦးသေဆုံးကြောင်းကနဦးထုတ်ပြန်ထားသည်။ထိုကြောင့် ခြောက်ဦးထပ်တိုး၍စစ်ကောင်စီဘက်မှ ဗိုလ်မှူးတစ်ဦးအပါအဝင်သေဆုံးသူစုစုပေါင်းမှာ ၁၈ဦး ဖြစ်ကြောင်း တပ်တွင်းဖရဲသီး(သတင်းပေး)ကပေးပို့သော သတင်းကိုကိုးကား၍ပြည်သူ့ကာကွယ်ရေးအဖွဲ့ ဘက်မှ “မနေ့ကအကြွေး”ဟုထုတ်ပြန်သည်။
အကြမ်းဖမ်းစစ်ကောင်စီတပ်ကို KIA၊ မိုးညှင်းPDF နှင့် မကွေးPDF တို့က ပူးပေါင်း၍ ယနေ့(မတ်လ ၈ရက်) နံနက် သုံးနာရီခန့်တွင် တိုက်ခိုက်ခဲ့ခြင်းဖြစ်သည်။မတ်လ ၇ ရက်တွင် မိုးညှင်းမြို့နယ်တွင် စစ်ကောင်စီတပ်ကို PDF ပူးပေါင်းအဖွဲ့နှင့် KIAတို့က ပူးပေါင်းတိုက်ခိုက်ရာ စစ်ကောင်စီတပ်မှ ၂၀ ကျော်သေဆုံးခဲ့သော်လည်း PDFတပ်ဖွဲ့ဝင် ၇ ဦးကျဆုံးခဲ့သည်။ ထို့ကြောင့် ယနေ့ PDFပူးပေါင်းအဖွဲ့ကထပ်မံတိုက်ခိုက်သွေးကြွေးတောင်းခဲ့ခြင်းဖြစ်သည်။
“စစ်ခွေးတွေနဲ့ပါတ်သက်သူမှန်သမျှကိုအရေးယူတော့မယ်လို့နောက်ဆုံးသတိပေးမယ်။မင်းတို့ အသည်းကို တစ်စဆီဆွဲဖြဲပစ်မယ်။ဒီနေ့မနက်က နမူနာပဲပြသေးတာ။နောက်ထပ်တက္ကသိုလ်ထဲမှာ ကျောင်းသားတွေကိုပဲ မြင်ချင်တယ်။ခွေးဆိုတာ တော်ရာတန်ရာနေတတ်ရတယ်” ဟု လည်း မိုးညှင်းတော်လှန်ရေး ဖေစ်ဘွခ်စာမျက်နှာက သတိပေးထားသည်။
ဒေသချင်းဆက်စပ်နေသာ ကချင်ပြည်နယ် မိုးညှင်းမြို့၊ အင်းတော်မြို့နှင့် စစ်ကိုင်းတိုင်း ထီးချိုင့် မြို့နယ်အတွင်း တိုက်ပွဲများတွင် ယခုရက်ပိုင်းစစ်ကောင်စီအထိနာနေသည်။ စစ်ကောင်စီက ရှုံးမဲမဲကာ အရပ်သားများအား ပစ်မှတ်ထား ဖိနှိပ်သတ်ဖြတ်နေ၍ ပြည်သူ့ကာကွယ်ရေးအဖွဲ့များကယခင်
ကထက် ပိုမိုပြင်းထန်စွာတိုက်ခိုက်နေခြင်းဖြစ်သည်။မိုညှင်း၊အင်းတော်နှင့် ထီးချိုင့်ဒေသတွင် ယခုရက်ပိုင်းဖြစ်ပွားသော တိုက်ပွဲများအတွင်း အကြမ်းဖက်စစ်ကောင်စီဘက်ကအများအပြားကျဆုံးပြီး အင်းတော်နှင့် ထီးချိုင့်လမ်းတွင် တစ်နေ့တည်း စစ်ကားအစီးရေ ၃၀ မိုင်းဆွဲခံခဲ့ရသည်။