စစ်ကိုင်းတိုင်း ခင်ဦးမြို့နယ်ရှိ သိမ်တော်ကျေးရွာကို အကြမ်းဖက်စစ်တပ်က ဝင်ရောက်စီးနင်းပြီးနောက် ဒေသခံပြည်သူ့ကာကွယ်ရေးတပ်ဖွဲ့ဝင် ၁၁ဦးနှင့် ပြည်သူ သုံးဦးကို သတ်ဖြတ်ခဲ့ကြောင်း ဒေသခံသတင်းရင်းမြစ်များက ယနေ့ (မတ်လ ၉ရက်)တွင် ထုတ်ပြန်သည်။
ဖြစ်စဥ်မှာ မတ်လ ၈ရက် နံနက် ၁၀နာရီခန့်တွင်သိမ်တော်ကျေးရွာကို လက်နက်ကြီီးများဖြင့် ပစ်ခတ် စီးနင်းခဲ့ပြီးနောက် ကျွန်းလည်ကျေးရွာမှ ပြည်သူသုံးဦးကို လူသားဒိုင်းအဖြစ် ဖမ်းဆီးကာ ဝင်ရောက်ခဲ့သည်။
သိမ်တော်ကျေးရွာကို စီးနင်းပြီးနောက် ဖမ်းဆီးထားသည့် ပြည်သူသုံးဦးနှင့် ဒေသခံကာကွယ်ရေးတပ်ဖွဲ့ဝင် ၁၁ဦးကို သတ်ဖြတ်ပြီးအလောင်းများကို လယ်ကွင်းပြင်၌ ပစ်ထားခဲ့သည်။
ဖေဖော်ဝါရီလအတွင်းကလည်း ခင်ဦးမြို့နယ် ကံကြီးကုန်းရွာအနီးတိုက်ပွဲနှင့် သရက်ကန်ရွာတိုင်ပွဲ၌ ပြည်သူ့ရဲဘော် ၁၇ဦး ကျဆုံးထားသည်။
Public Service Announcement
လက်ရှိတွင် အကြမ်းဖက်စစ်တပ်က စစ်ကိုင်းတိုင်းတွင် အင်တာနက်ဖြတ်တောက်၍ ကျေးရွာများကို နေ့စဥ် ထိုးစစ်ဆင်၍ မီးရှို့ လူသတ်မှုများ ကျူးလွန်လျက်ရှိသည်။
