ပြည်သူ့ဘဝအမောများကြားမှ လွတ်မြောက်ရေး ၈၈ မျိုးဆက်များ၏ တာဝန်ဟုတိုက်တွန်း
အကြမ်းဖက်စစ်ကောင်စီက မည်သို့သော စီရင်ချက်ချစေကာမူ ခံယူချက်၊ ယုံကြည်ချက် ယိမ်းယိုင်မည်မဟုတ်ကြောင်း ထောင်ဒဏ် ၂ နှစ်ချမှတ်ခံရသူ ၈၈ မျိုးဆက်ကျောင်းသားခေါင်းဆောင်ဦးမြအေးက သတင်းစကားပါးသည်။
ယမန်နေ့(မတ်လ ၁၀ ရက်) တွင် ကျရောက်သော ဦးမြအေး၏ ၅၆ နှစ်မြောက်မွေးနေ့တွင် အကြမ်းဖက်စစ်ကောင်စီက ဦးမြအေးကို ထောင်ဒဏ် ၂ နှစ်ချမှတ်ခဲ့ပြီးနောက် ၎င်း၏ သမီးဖြစ်သူ မဝေနှင်းပွင့်သုန်က ဖခင်၏ ထောင်တွင်း အမှာစကားကို ယနေ့ ဖစ်ဘွခ်မှတစ်ဆင့်
လူထုအား အသိပေးခြင်းဖြစ်သည်။
“ကျနော်ဟာ တိုင်းပြည်အတွက်အလုပ်လုပ်လာတယ်။ ပြည်သူလူထုဆန္ဒကို ကျနော်တို့ဦးထိပ်ထားတယ်။တိုင်းပြည်ကောင်းစေချင်လို့ အလုပ်လုပ်တယ်။ နိုင်ငံရေးသမားတစ်ယောက်အတွက်ကြမ်းတမ်းတဲ့လမ်းတွေ လျှောက်ရတာ သိပ်ထူးဆန်းတဲ့ကိစ္စ မဟုတ်ဘူး” ဟု ဦးမြအေးက ပြောသည်။
Public Service Announcement
ဆက်လက်၍ ဦးမြအေးက မြန်မာပြည်ငြိမ်းချမ်းရေး၊ ဒီမိုကရေစီရှင်သန်ရေးနှင့် ပြည်သူ့ဘဝ အမောများကြားမှ လွတ်မြောက်ရေးမှာ ၈၈ မျိုးဆက်များ၏ တာဝန်ဖြစ်ကြောင်း ဦးမြအေးက ပြောသည်။
