အကြမ်းဖက်စစ်ကောင်စီတပ်များ လနှင့်ချီတပ်စွဲထားသည့် ခရမ်းမြို့နယ်အထွေထွေအုပ်ချုပ်ရေးမှူးရုံး ဖောက်ခွဲတိုက်ခိုက်ခံခဲ့ရကြောင်း ဒေသခံများက ပြောသည်။
ယနေ့(မတ် ၁၃)နံနက် ၁၁ နာရီခွဲခန့်က ခရမ်းမြို့ ဘုရားလမ်းပေါ်ရှိ မြို့နယ်ထွေအုပ်ရုံး ပေါက်ကွဲမှုဖြစ်ပွားခဲ့ပြီး ရုံးအဆောက်အအုံအနည်းငယ်ထိခိုက်ကာ စစ်ကောင်စီတပ်သားတစ်ဦး ဒဏ်ရာရရှိခဲ့ကြောင်း ဒေသခံများက ပြောသည်။
အလားတူ ယနေ့နံနက် ၁၀နာရီခွဲခန့်ကလည်း စစ်ကောင်စီတပ်များ တပ်စွဲထားသည့် ကန်သာဘုန်းကြီးကျောင်းအနီး ပေါက်ကွဲမှုဖြစ်ပွားပြီး လူထိခိုက်မှုမရှိဟု ဒေသခံများက ဆိုသည်။
“ဖြစ်တာ နှစ်နေရာဖြစ်တယ်။ ပထမဖြစ်တာက ကန်သာကျောင်းနား၊ နောက်တစ်ခုက မြို့တော်ခန်းမနားက ထွေအုပ်ရုံးမှာ ဖြစ်တာ။ ဖြစ်ဖြစ်ချင်း မြို့ထဲမှာလူကို ရှင်းလို့။ ဒီညနေပိုင်းမှ တ ချို့ဆိုင်တွေ ပြန်ဖွင့်တာရှိတယ်။ အများစု စော စောပိတ်ထားကြတယ်”ဟု ခရမ်းမြို့ခံတစ်ဦးက ပြောသည်။
Public Service Announcement
ခရမ်းမြို့တွင် မတ်လ ၁၀ရက်က စစ်ကောင်စီသတင်းပေးဒလန်နှစ်ဦး ပတ်သတ်ခံရပြီးနောက် မြို့အဝင်အထွက်လမ်းများကို ယနေ့(မတ် ၁၃)အထိ စစ်ကောင်စီတပ်က ပိတ်ဆို့ထားဆဲ ဖြစ်သည်။
