ကရင်နီပြည်နယ် လွိုင်ကော်မြို့ ကယန်းသာယာဘက်မှ ထီတရိကျေးရွာဘက်သို့ စစ်ကြောင်းထိုးလာသည့် အကြမ်းဖက်စစ်တပ်နှင့် တိုက်ပွဲ ဖြစ်ပွားရာ ရဲဘော်တစ်ဦးကျဆုံးခဲ့ရကြောင်း လွိုင်ကော် PDFက ထုတ်ပြန်သည်။
ယနေ့ (မတ်လ ၁၄ ရက်) နံနက် ၈နာရီခန့်က စစ်ကြောင်း ထိုးလာသော အကြမ်းဖက်စစ်တပ်သည် လက်နက်ကြီးများဖြင့်အဆက်မပြတ် ပစ်ခတ်တိုက်ခိုက်ခဲ့သည်ဟု ဆိုသည်။
ထို့ကြောင့် လွိုင်ကော် PDF နှင့် ကရင်နီအမျိုး သားများကာကွယ်ရေးတပ် (KNDF)မှ ပြောက်ကျားနည်းဖြင့်ပစ်ခတ်ပြီး နှစ်ဖက်ထိတွေ့မှု ဖြစ်ပွားနေစဉ် လွိုင်ကော် PDFမှ ရဲဘော် မျိုးအောင်(ခ) ပေါလူမှာ တိုင်းပြည်အတွက် အသက်ပေးလှူခဲ့ရသည်။
ရဲဘော် မျိုးအောင်အား သူရဲကောင်းအဖြစ် မှတ်တမ်းတင် ဂုဏ်ပြုဦးညွှတ်ကြောင်း လွိုင်ကော် PDFက ဖော်ပြ သည်။
Public Service Announcement
လွိုင်ကော် PDF သည် ဒီးမော့ဆို တိုက်ပွဲတွင် နေ့စဉ် ရက်ဆက်ပါဝင် တိုက်ပွဲဝင်နေသည့်အပြင် အခြား ဒေသ စစ်မျက်နှာပြင်များဖြစ်သော ထီတရိကျေးရွာအနီး ၊ လင်ဖုံလမ်းခွ တစ်ဝိုက်တွင်လည်း ပြောက်ကျားတိုက်ပွဲဝင်နေကြောင်း အသိပေးသည်။
မတ်လ ၁၁ ရက်က လွိုင်ကော် PDFနှင့် KNDF တို့မှ လင်ဖုံလမ်းခွဲတွင် တပ်တည်ထားသော အကြမ်းဖက်စစ်ကောင်စီကို ဝင်ရောက်ပစ်ခတ်တိုက်ခိုက်ခဲ့ရာ အကြမ်းဖက် စစ်ကောင်စီတပ်မှ လေးဦးမှ ခုနစ်ဦးအတွင်း သေဆုံးသည်ဟုလည်း ထုတ်ပြန်ချက်၌ ဖော်ပြသည်။
