ကား၊ ဆိုင်ကယ်များ အ​ရေးတကြီး​မောင်းလာပါက လမ်းဖယ်​ပေးရန်နှင့် ​သေနတ်ချိန်လမ်း​တောင်းမိပါက ခွင့်လွှတ်​ပေးရန် TUGF ​မေတ္တာရပ်ခံ

▪️စစ်ဆင်​ရေးများမှာ အချိန်တိကျ၊ဇာတ်တိုက်ထား၍ အချိန်လွဲ၍ မရဟုဆို

မိဘပြည်သူများအနေဖြင့် ကား၊ဆိုင်ကယ်များ အရေး တကြီးမောင်းလာလျှင် လမ်းဖယ်ပေးရန်နှင့် သေနတ်ချိန်၍ လမ်းတောင်းမိပါက ခွင့်လွှတ်ပေးရန် ကြိုတင်တောင်းပန်ကြောင်း Thaketa’s Urban Guerrilla Force – TUGF က မေတ္တာရပ်ခံစာထုတ်ပြန်သည်။

မိဘပြည်သူများသို့ ကြိုတင်၍ တောင်းပန်ထားခြင်း ခေါင်းစဉ်ဖြင့် ရန်ကုန်မြို့အပါအဝင် မြန်မာနိုင်ငံ နေရာအနှံ့အပြားရှိ မြို့ပြများ၌ အပြန်အလှန်ပစ်ခတ်မှုများ ကြုံ‌တွေ့လာနိုင်သောကြောင့် ပြည်သူများ သတိထား‌ နေထိုင်သင့်သည့် အကြောင်းအရာများကို TUGF က အကြံပြုထားသည်။

“သာမန် မိမိကျင်လည် သွားလာလှုပ်ရှား နေထိုင်ရာများမှာ ပေါက်ကွဲသံတခုနဲ့တင်ရပ်မသွားပဲ အပြန် အလှန်ပစ်ခတ်သံများ ကြားရပါက ……..ပြည်သူများ အနေနဲ့ မစပ်စုပဲ လိုရာခရီးသာ ဆက်သွား​ပေးကြပါရန်နှင့် ဝမ်းသာအားရဖြင့်ထွက်၍ အားမပေးမိဖို့နဲ့ မှတ်တမ်းများ မတင်မိဖို့အရေးကြီးပါသည်”ဟု အကြံပြုထားသည်။

Public Service Announcement

ထို့အပြင် အိမ်တွင်မဟုတ်ပဲ ဝမ်းရေးပြင်ပသို့ထွက်၍ လှုပ်ရှားနေရသူများအနေဖြင့် ယင်းအခြေ အနေကြုံရပါက နီးစပ်ရာ အဆောက်အဦးသို့မဟုတ် လမ်းကြားထဲသို့ဝင်ရန် အကြံပြုထားသည်။

စစ်ဆင်ရေးများကို အချိန်အတိအကျ ဇာတ်တိုက်လေ့ကျင့်ထားခြင်းဖြစ်သောကြောင့် အချိန်လွဲ၍ မရကြောင်းနှင့် အချိန်လွဲသွားပါက ကြုံရနိုင်သည့် လမ်းပိတ်သည့်ကိစ္စနှင့်ပတ်သက်၍ TUGF က ပြည်သူများကို မေတ္တာရပ်ခံထားသည်။

“မိဘပြည်သူများကို အနူးအညွှတ်တောင်းပန်လိုတာက အရေးတကြီး ကား၊ဆိုင်ကယ် မောင်းလာခဲ့ရင် လမ်းတောင်းခဲ့ရင် လမ်းဖယ်ပေးဖို့ပါ။ အဲ့ဒီအချိန် ရန်သူ မိဘကျေးဇူးရှင် မကွဲပြားလို့ လက်နက်ထိုးချိန် လမ်းတောင်းခဲ့ရင်လည်း သားဆိုးသားမိုက် များကို မေတ္တာနဲ့ ကြည့်ရှု ခွင့်လွှတ်ပေးကြပါလို့ မိဘပြည်သူ ကျေးဇူးရှင်များအား ကြိုတင်တောင်းပန်အပ်ပါတယ်”ဟု ထုတ်ပြန်ချက်၌ ဖော်ပြထားသည်။

ယခုနှစ်နှစ်စပိုင်းမှစတင်၍ တစ်နိုင်ငံလုံးအတိုင်း အတာဖြင့် စစ်ဆင်ရေးများ အရှိန်မြှင့်လုပ်ဆောင်နေသော ကြောင့် ပြည်သူများ အသွားအလာ အနေအထိုင် ဂရုစိုက်ကြရန် မြို့ပြပျောက်ကျားအဖွဲ့များကအသီးသီး ထုတ်ပြန်ထားသည်။