ကျိုက်မရောမြို့နယ် ချောင်းနှစ်ခွတံတားဂိတ်စခန်းမှာ ဒီကနေ့မနက်ပိုင်းက ထိတွေ့ပစ်ခတ်မှုဖြစ်ပွားခဲ့ပြီး တံတားဂိတ်မှာတာဝန်ကျနေတဲ့ စစ်ကောင်စီရဲတပ်ဖွဲ့ဝင် တစ်ဦးသေဆုံးခဲ့ပြီးနောက် တံတားကိုပိတ်ထားလိုက်တယ်လို့ ဒေသခံတွေဆီကနေ သိရပါတယ်။
ဒီကနေ့ မတ်လ ၁၉ ရက် မနက် ၆ နာရီခွဲအချိန်က ချောင်းနှစ်ခွတံတားမှာရှိတဲ့ စစ်ကောင်စီရဲ့ ရဲတပ်ဖွဲ့ဝင်ဂိတ်စခန်းကို လက်နက်ကိုင်အဖွဲ့တစ်ဖွဲ့က လာရောက်ပစ်ခတ်တိုက်ခိုက်ရာကနေ တိုက်ပွဲဖြစ်ပွားခဲ့ပြီး ရဲတပ်သားတစ်ဦးသေဆုံးကာ နှစ်ဦးဒဏ်ရာရရှိသွားခဲ့တာပါ။
အဲ့ဒီနောက် မနက် ၈ နာရီခွဲအချိန်ကလည်း ကျိုက်မရောမြို့နယ် ချောင်းနှစ်ခွနဲ့ တောင်ကလေးကြားက လက်ပူကုန်းမှာ ထိတွေ့ပစ်ခတ်မှုတွေ ထပ်မံဖြစ်ပွားခဲ့ပြီး လှာကဇိုင်းကျေးရွာဘက်မှာလည်း စစ်ရေးတင်းမာနေတယ်လို့ သိရပါတယ်။
“ဒီမနက် ကြာအင်းဆိပ်ကြီးဘက်သွားမလို့ လမ်းတစ်ဝက်နဲ့ပြန်လာရတယ်။ ခုလမ်းပိတ်ထားတယ်။ မသွားခိုင်းဘူးလို့”လို့ ခရီးသွားလာနေတဲ့ ဒေသခံတစ်ဦးက ပြောပါတယ်။
Public Service Announcement
ကေအဲန်ယူ ဒူးပလာယာခရိုင် KNLA တပ်မဟာ ၆ နယ်မြေအတွင်းမှာ စစ်ရေးဝင်ရောက်လှုပ်ရှားနေတဲ့ စစ်ကောင်စီတပ်တွေအနေနဲ့ ပြန်လည်ထွက်ခွာရုတ်သိမ်းပေးဖို့ တပ်မဟာ ၆ က စစ်ကောင်စီထံ အကြောင်းကြားစာပေးပို့ပြီးတဲ့နောက်ပိုင်း ကြာအင်းဆိပ်ကြီး ကော့ကရိတ် မြ၀တီဘက်တွေမှာ စစ်ရေးပဋိပက္ခတွေ ပိုမိုပြင်းထန်နေပြီး မြို့အနီးအနားမှာ ထိတွေ့ပစ်ခတ်မှုတွေ ဖြစ်ပွားနေခဲ့တာဖြစ်ပါတယ်။
