ရန်ကုန်တိုင်း အတွင်းဖမ်းဆီးခံရတဲ့ လူငယ် ၁၈ ဦးကို စစ်ခုံရုံးဖွဲ့ပြီး မတ်လ ၁၇ ရက်မှာ စစ်ကောင်စီက ထောင်ဒဏ်တစ်သက်နဲ့ သေဒဏ်တွေ အသီးသီး ချလိုက်တယ်လို့သိရပါတယ်။
ပြစ်ဒဏ်ချခံရတဲ့လူငယ်တွေဟာ လှိုင်သာယာ၊ ကြည်မြင့်တိုင်၊ ဒဂုံဆိပ်ကမ်း၊ မြောက်ဥက္ကလာ မြို့နယ်တွေက ဖြစ်ပါတယ်။
လူငယ်၁၈ ဦးထဲမှာ ၁၁ ဦးကို ထောင်ဒဏ်တစ်သက် ချလိုက်တာဖြစ်ပြီး ၇ ဦးကိုတော့ သေဒဏ် ချလိုက်ပါတယ်။
ထောင်ဒဏ်တစ်သက်ချခံရတဲ့ လူငယ်တွေဟာ လှိုင်သာယာသောင်ကြီးရဲစခန်းကိုတိုက်ခိုက်တာ ၊အုပ်ချုပ်ရေးမှူးရုံးကိုမိုင်းခွဲတာ ၊လက်နက်ဝှက်ထားတာ ၊တိုင်းရင်းသားလက်နက်ကိုင်အဖွဲ့တွေထံမှာ သင်တန်းတက်တာ ၊တော်လှန်ရေးအဖွဲ့တွေနဲ့ချိတ်ဆက်တာတွေ လုပ်တယ်ဆိုပြီး စစ်ကောင်စီက စွပ်စွဲထားတာပါ။
Public Service Announcement
သေဒဏ်ချလိုက်တဲ့ လူငယ် ၇ ဦးကတော့ လှိုင်သာယာနဲ့ မြောက်ဥက္ကလာ က လူငယ်တွေဖြစ်ပြီး ဒီထဲမှာ ၃ဦးက ရာအိမ်မှူးကိုသေနတ်နဲ့ပစ်သတ်တာ ၊ ကျန်တဲ့ ၄ ဦးကတော့မြောက်ဥက္ကလာပ အဝိုင်းမှာ အထက်တန်းပြဆရာမ ကိုသတ်ဖြတ်သူတွေဖြစ်တယ်လို့ စစ်ကောင်စီက စွပ်စွဲကာသေဒဏ်ချလိုက်တာဖြစ်ပါတယ်။
သေဒဏ်ချခံရသူတွေထဲမှာ အမျိုးသမီးငယ်တစ်ဦးလည်းပါဝင်တာတွေ့ရပါတယ်။
