ချင်းပြည်နယ်၊ ကန်ပက်လက်မြို့နယ်တွင် ဒေသခံကာကွယ်ရေးတပ်များနှင့် အကြမ်းဖက်စစ်ကောင်စီတပ်တို့ကြား မတ် ၁၉ ညနေပိုင်းမှ စတင်ပြီး ညပိုင်းအထိ့တိုက်ပွဲဖြစ်ပွားခဲ့ကြောင်းဒေသခံကာကွယ်ရေးတပ်နှင့်နီးစပ်သူတစ်ဦးကပြောသည်။
အကြမ်းဖက်စစ်ကောင်စီတပ်က မင်းတပ်မြို့ နယ်မြေခံ တပ်ရင်း (၂၇၄)နှင့်ကျောက်ထုအမြောက်တပ်တို့မှ လက်နက်ကြီးများဖြင့် ဒေသခံကာကွယ်ရေးတပ်များကို ပစ်ခတ်နေသည်ဟု၎င်းကဆက်ပြောသည်။
“ညနေကတည်း လက်နက်ကြီးသံတွေ တရစပ်ကြားနေရတယ်။ ညပိုင်းတော့ အသံတွေရပ်သွားတယ်”ဟု ဒေသခံကာကွယ်ရေးတပ်နှင့်နီးစပ်သူကပြောသည်။
တိုက်ပွဲအခြေအနေကို အသေးစိပ်ကိုမူမသိရသေးဟုလည်း ၎င်းကဆက်ပြောသည်။
Public Service Announcement
ကန်ပက်လက်မြို့နယ်အခြေပြု CDF-ကန်ပက်လက် နှင့်အကြမ်းဖက်စစ်ကောင်စီတို့အကြား ၂၀၂၂ ခုနှစ် ဖေဖော်ဝါရီလ ၇ ရက်မှစတင်ပြီး တိုက်ပွဲများပြင်းထန်စွာဆက်တိုက်ဖြစ်ပွားခဲ့သည်။
မတ်လ ၁၅ ရက်တွင်CDF-ကန်ပက်လက် ၊ CDF-မင်းတပ်၊ ယောဒေသကာကွယ်ရေးတပ်ဖွဲ့ The Youth Force နှင့် Saw – PDF ပူးပေါင်းတပ်ဖွဲ့နှင့် အကြမ်းဖက်စစ်ကောင်စီတို့အကြား နံနက် ၈းဝဝ နာရီမှ ညနေ ၃းဝဝနာရီ အထိ စမ္မသားရွာဟောင်း အတွင်းတိုက်ပွဲပြင်းထန်စွာဖြစ်ပွားခဲ့သည်။ထိုတိုက်ပွဲတွင် လက်နက်အင်အားမမျှ ၍ CDF-ကန်ပက်လက် ဌာနချုပ်ကို ယာယီစွန့်လွှတ်လိုက်ရသည်ဟု CDF-ကန်ပက်လက်ကထုတ်ပြန်ထားသည်။
