ရန်ကုန်မြို့ မြောက်ဒဂုံမြို့နယ် (၃၂)ရပ်ကွက် အုပ်ချုပ်ရေးမှူးရုံး ပစ်ခတ်ခံရကြောင်း ဒေသခံများက People’s Springသို့ ပြောသည်။
ယနေ့(မတ်လ ၂၀ရက်)နံနက် ၄နာရီခန့်က ၄၀ မမ ဗုံးသီးအပါအဝင် သေနတ်ဖြင့် ၁၀ချက်ထက်မနည်း အုပ်ချုပ်ရေးမှူးရုံး ပစ်ခတ်ခံရခြင်း ဖြစ်သည်ဟု ဆိုသည်။
“မနက် ၄နာရီ ၁၀ မိနစ်လောက်မှာ ပေါက်တာ။ပြီးမှ ပစ်သံကြားရတာ။သေတာထိခိုက်တာတော့ မကြားရသေးဘူး။အခုထိ စခ တွေ ကားနှစ်စီးနဲ့ ရပ်ကွက်ထဲ ကို ကင်းပတ်နေတုန်း”ဟု (၃၂)ရပ်ကွက်နေသူ တစ်ဦးက ပြော သည်။
ရန်ကုန်မြို့အတွင်း ပြောက်ကျားစစ်ဆင်ရေးများအရှိန်မြှင့်တော့မည်ဟု တော်လှန်ရေးအင်အားစု များက ကြေညာပြီးနောက် ရွှေပြည်သာမြို့နယ်ရှိ ရဲစခန်း၊ မြို့နယ်ခန်းမနှင့် လှိုင်သာယာမြို့နယ် သောင်ကြီး ရဲစခန်းတို့ကို ယခုရက်ပိုင်းအတွင်း တိုက်ခိုက်ထား သည်။
Public Service Announcement
ပြည်သူလူထုအနေဖြင့်လည်း မလိုအပ်ဘဲ အပြင်မထွက်ရန်၊မစူးစမ်းရန်နှင့် တော်လှန်ရေးအဖွဲ့အစည်းများ၏ လုံခြုံရေးကို ဝိုင်းဝန်းကူညီရန်လည်း မြို့ပြပြောက်ကျားအဖွဲ့များက တိုက်တွန်းသည်။
