'/%3E%3C/svg%3E){kind=small}
စစ်ကိုင်းတိုင်း၊ တမူးမြို့နယ် မြန်မာ-အိန္ဒိယနယ်စပ်တွင်တပ်စွဲထားသည့် အကြမ်းဖက်စစ်ကောင်စီတပ်ကို ဒေသခံကာကွယ်ရေးတပ်နှင့် ဗမာကျောင်းသားအဖွဲ့အစည်း (BSO)တို့က ပူးပေါင်းတိုက်ခိုက်ခဲ့ရာ အကြမ်းဖက်စစ်ကောင်စီ တပ်သား ၁၂ ဦးခန့်သေဆုံးခဲ့သည်ဟု ဒေသတွင်း သတင်းအရင်းမြစ်များကပြောသည်။
မြန်မာ-အိန္ဒိယနယ်စပ်ရှိ နဂါးမင်းသမီးရေကန်ဘေးတွင် တပ်စွဲထားသည် အာဏာသိမ်းစစ်တပ်ကို ယနေ့ မနက်ပိုင်းတွင် ဒေသခံကာကွယ်ရေးတပ်နှစ်ဖွဲ့ကသွားရောက်တိုက်ခိုက်ခဲ့ခြင်းဖြစ်သည်။
“မင်းသမီးရေကန်နားမှာဖြစ်တာ။ နားရေးကားနဲ့ သုံးခေါက်လောက် လာသယ်သွားကြတယ်”ဟု တမူးဒေသခံတစ်ဦးကပြောသည်။
အကြမ်းဖက်စစ်ကောင်စီတပ်မှသေဆုံးသူများတွင် အရာရှိ ၂ နှစ်ဦးပါဝင်သည်ဟု ဒေသတွင်းသတင်းအရင်းအမြစ်အချို့ကပြောသော်လည်း လူထုနွေဦးအနေဖြင့် သီခြားအတည်ပြုနိုင်ခြင်းမရှိသေးပေ။
Public Service Announcement
ထိုတိုက်ပွဲတွင် PDF( တမူး)နှင့်ဗမာကျောင်းသားအဖွဲ့(Burmese Student Organization-BSO)တို့က ပူးပေါင်းတိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့များမှ တစုံတရာထိခိုက်ကျဆုံးမူမရှိကြောင်း ဒေသခံများထံမှသိရသည်။
