▪️NUGနှင့် ကြားကာလ ချင်းအမျိုးသားအတိုင်ပင်ခံကောင်စီကိုယ်စားလှယ်များတက်ရောက်
ချင်းအမျိုးသားတော်လှန်ရေးနေ့ အခမ်းအနားကို ချင်းအမျိုးသားတပ်ဦး(CNF) စခန်းတစ်နေရာ၌ ပြုလုပ်ရာ အမျိုးသားညီညွတ်ရေးအစိုးရ(NUG)နှင့် ကြားကာလ ချင်းအမျိုးသားအတိုင်ပင်ခံကောင်စီ(ICNCC)မှ ကိုယ်စားလှယ်များ တက်ရောက်ခဲ့ကြောင်း Chinland Information Center က သတင်းထုတ်ပြန်သည်။
CNF ဖွဲ့စည်းတည်ထောင်ခြင်း (၃၄) နှစ်ပြည့် အထိမ်း အမှတ်အဖြစ် ကျင်းပသည့် ချင်းအမျိုးသားတော်လှန် ရေးနေ့ သို့ NUGက သဝဏ်လွှာပေးပို့ခဲ့ရာ စစ်တပ်အာဏာသိမ်းပြီးနောက် ချင်းအမျိုးသားတပ်ဦး CNF သည် ပြည်သူနှင့်အတူ ရပ်တည်ပြီး အာဏာသိမ်းစစ်ကောင်စီကို ခုခံတွန်းလှန်ခြင်းတွင် ပါဝင်ဦးဆောင်လျက်ရှိ၍ ကျေးဇူးတင် ဂုဏ်ယူကြောင်း ဖော်ပြခဲ့သည်။
၃၄နှစ်တာကာလအတွင်း CNFအား ခေါင်းဆောင်မှု ပေးခဲ့ကြသည့် အဆက်ဆက်သော ခေါင်းဆောင်များနှင့် CNF ဦးဆောင်မှု အောက်တွင် ကိုယ်ကျိုးစွန့် အသက်ပေး တာဝန်ထမ်းဆောင်ခဲ့ကြသည့် ချင်း အမျိုးသမီး၊ အမျိုးသား အားလုံးကို ဂုဏ်ယူစွာ ဦးညွတ် အလေးပြုကြောင်း NUGက သဝဏ်လွှာပေးပို့ခဲ့သည်။
Public Service Announcement
အဆိုပါ အခမ်းအနား၌ တူမီးဂုဏ်ပြုတပ်ဖွဲ့အပါအဝင် ဂုဏ်ပြုတပ်ဖွဲ့အသီးသီးက စစ်ကြောင်းချီတက်ကာ CNF အလံကို အလေးပြုခြင်း၊ ကျဆုံးရဲဘော်များအား အလေးပြုခြင်းများပြုလုပ်ခဲ့သည်ဟု NUG၏ သတင်းနှင့်ပြန်ကြားရေး PVTVက ဖော်ပြထားသည်။
အခမ်းအနားတွင် CNF ဒုတိယဥက္ကဌ ဒေါက်တာရွှေခါးရ်နှင့် ကြားကာလ ချင်းအမျိုးသား အတိုင်ပင်ခံကောင်စီ သဘာပတိအဖွဲ့ဝင် ဆလိုင်းအိုက်ဇက်ခင်တို့က မိန့်ခွန်းများပြောကြားခဲ့ကြပြီး အမျိုးသားညီညွတ်ရေး အစိုးရအ ဖွဲ့၊ ကြား ကာလချင်းအမျိုးသားအတိုင်ပင်ခံကောင်စီနှင့် ချင်းလွှတ်တော်ကိုယ်စားလှယ်များက ပေးပို့သည့် သဝဏ်လွှာများကို သက်ဆိုင်ရာ ကိုယ်စားလှယ်များက ဖတ်ကြားခဲ့သည်ဟု ဆိုသည်။
