ဖမ်းဆီးထိန်းသိမ်းခံထားရသည့် ပြန်လည်ထူထောင်ရေးဦးစီးဌာန ညွှန်ကြားရေးမှူးချုပ် ဒေါက်တာထွန်းဇော်ကို အကြမ်းဖက်စစ်ကောင်စီက ထောင်ဒဏ် ၂ နှစ်ချလိုက်သည်။
လူမှု၀န်ထမ်း၊ကယ်ဆယ်ရေးနှင့် ပြန်လည်ထူထောင်ရေး၀န်ကြီးဌာန၊ပြန်လည်ထူထောင်ရေးဦးစီးဌာနညွှန်ကြားရေးမှူးချုပ် ဒေါက်တာထွန်းဇော်ကို မတ် ၁၈ရက်တွင် အမိန့်ချလိုက်ခြင်းဟု ယင်းဌာနမှ ဝန်ထမ်းတစ်ဦးက ပြောသည်။
“ဒေါက်တာထွန်းဇော်ကို ၅၀၅ရော CDM တွေကိုထောက်ပံ့တာရောနဲ့ အမှုစွဲထားတာ။ အခု ထောင်၂နှစ်ချလိုက်ပြီ”ဟု ပြန်လည်ထူထောင်ရေးဦးစီးဌာနမှ ဝန်ထမ်းတစ်ဦးကပြော
သည်။
ဒေါက်တာထွန်းဇော်သည် ယခင်လူမှု၀န်ထမ်း၊ ကယ်ဆယ်ရေးနှင့် ပြန်လည်ထူထောင်ရေး၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး(ယခု အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲမှုဝန်ကြီးဌာနဝန်ကြီး)နှင့် ရွေးကောက်ခံအရပ်သားအစိုးရလက်ထက် ဌာနဆိုင်ရာလုပ်ငန်းများတွင် အတွဲညီခဲ့သူဖြစ်သည်။ စစ်တပ်ကနိုင်ငံတော် အာဏာသိမ်းပြီး ၁၅ရက်အကြာ ၂၀၂၁၊ ဖေဖော်ဝါရီ ၁၅ရက်တွင် ဒေါက်တာထွန်းဇော်ကို ဖမ်းဆီးခဲ့ပြီး ယခုအခါ အမိန့်ချခြင်းဖြစ်သည်။
လူမှု၀န်ထမ်း၊ ကယ်ဆယ်ရေးနှင့် ပြန်လည်ထူထောင်ရေး၀န်ကြီးဌာန အောက်တွင် ပြန်လည်ထူထောင်ရေးဦးစီးဌာအပြင်လူမှု၀န်ထမ်းဦးစီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနတို့ ရှိသေးသည်။လူမှု၀န်ထမ်းဦးစီးဌာနညွှန်ကြားရေးမှူးချုပ်ဒေါက်တာစန်းစန်းအေးနှင့်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနညွှန်ကြားရေးမှူးချုပ် ဒေါက်တာကိုကိုနိုင် တို့သည် အကြမ်းဖက်စစ်ကောင်စီခန့်ဝန်ကြီး ဒေါ်သက်သက်ခိုင်၏ လက်အောက်၌ တာဝန်ထမ်းဆောင်နေသည်။