အင်းစိန်ထောင်မှာ တစ်နှစ်ကျော်ကြာဖမ်းဆီးထားတဲ့ ကမာရွတ်မီဒီယာ ပူးတွဲတည်ထောင်သူ ဦးဟံသာညိန်းကို ဒီနေ့ မှာ အလုပ်ကြမ်းနဲ့ ထောင်ဒဏ် ၂ နှစ်ချလိုက်ပါတယ်။
ချုပ်ရက်ခံစားခွင့်ပြုတယ်လို့ မိသားစုဝင်တွေက ဖေ့ဘွတ်ခ်ကနေအသိပေးထားကြပါတယ်။
စစ်တပ်အာဏာသိမ်းတဲ့နောက် ပြီးခဲ့တဲ့နှစ် မတ်လ အတွင်း ပြည်တွင်းမီဒီယာ တစ်ခုဖြစ်တဲ့ ရန်ကုန်မြို့က ကမာရွတ်မီဒီယာ ရုံးခန်းကို စစ်ကောင်စီတပ်တွေ ဝင်စီးခဲ့တာပါ။
အဲဒီနောက်ကမာရွတ်မီဒီယာ တည်ထောင်သူ အမေရိကန် နိုင်ငံသားဦးနေသန်မောင်နဲ့ ပူးတွဲတည်ထောင်သူ ဦးဟံသာညိန်းတို့ကို ဖမ်းဆီးသွားပါတယ်။
Public Service Announcement
ဦးနေသန်မောင်ဟာ ပြီးခဲ့တဲ့နှစ် ဇွန်လအတွင်းမှာ လွတ်မြောက်လာခဲ့ပါတယ်။
လွတ်မြောက်ပြီးနောက် ဦးနေသန်မောင်ရဲ့ပြောပြချက်အရ သူတို့နှစ်ဦးကို စစ်ကြောရေးခေါ်ဆောင်သွားပြီး ညှဉ်းပမ်းတာတွေ လုပ်ခဲ့တယ်လို့သိရပါတယ်။
