ပြည်တွင်းလေကြောင်းလိုင်းတွေနဲ့ခရီးသွားတဲ့ ပြည်သူတွေအနေနဲ့ မှတ်ပုံတင်ပြနိုင်မှသာ လေယာဉ်စီးခွင့်ပြုမယ်လို့စစ်ကောင်စီက ကြေညာလိုက်ပါတယ်။
လာမယ့်ဧပြီလ ၁ ရက်စပြီး မှတ်ပုံတင်မပြနိုင်ရင် လိုက်ပါစီးနင်းခွင့်ပြုမှာမဟုတ်တဲ့အကြောင်းစစ်ကောင်စီ လဝက ရဲ့ထုတ်ပြန်ချက် ကိုကိုးကားပြီလေကြောင်းလိုင်းတွေက အသိပေးထားတာတွေ့ရပါတယ်။
အရင်ကတော့ မှတ်ပုံတင်မပြနိုင်ရင် ထောက်ခံစာ ၊ကျောင်းသားကတ် ၊ ယာဉ်မောင်းလိုင်စင် ၊ပတ်စ်ပို့ ပြပြီး ခရီးသွားလာခွင့်ရခဲ့တယ်လို့သိရပါတယ်။
ဒါပေမယ့် စစ်တပ်အာဏာသိမ်းပြီး တစ်နှစ်ကျော်အကြာ ၂၀၂၂ ခုနှစ်ဧပြီလ ၁ ရက် ကစပြီး မှတ်ပုံတင်ပြနိုင်မှ ပြည်တွင်းလေကြောင်းလိုင်းတွေ နဲ့ သွားလာခွင့်ပြုဖို့စစ်ကောင်စီက တင်းကြပ်လိုက်တာပဲဖြစ်ပါတယ်။
Public Service Announcement
