ကရင်အမျိုးသားအစည်းအရုံး(KNU) တပ်မဟာ(၅)နယ်မြေ အတွင်းရှိ ကျေးရွာအချို့ကို အကြမ်းဖက် စစ်ကောင်စီတပ်က ယနေ့ ထပ်မံ၍ လေကြောင်းမှဗုံးကြဲတိုက်ခိုက်လာကြောင်း တပ်မဟာ(၅)က သတင်းထုတ်ပြန်ခဲ့ပြီး ထိခိုက်ပျက်စီးမှု အခြေအနေများကို စိစစ်နေဆဲဖြစ် သည်ဟု ဖော်ပြသည်။
ယနေ့(မတ်လ ၂၇ရက်)နံနက် ၂နာရီခန့်တွင် စစ်ကောင်စီတပ်၏ ဗုံးကြဲ လေယာဉ် ၂စီးသည် မူတြော်(ဖာပွန်)ခရိုင် လူသောမြို့နယ် ဒေဘုနိုရွာနှင့် ထီးလေးကွီးကျေးရွာအတွင်းသို့ ဗုံးကြဲသွား သည်ဟု ဆိုသည်။
အဆိုပါ ကျေးရွာနှစ်ခုသို့ ဗုံးတစ်လုံးစီလာရောက်ကြဲချခဲ့ရာ လူသူမဲ့အိမ်အချို့ ထိခိုက်ပျက်စီး သွားကြောင်းသာသိရှိရပြီး ထိခိုက်ပျက်စီးမှုသတင်းအတိအကျ ကိုမူ စုံစမ်းနေဆဲဖြစ်ကြောင်း ဖော်ပြထားသည်။
အကြမ်းဖက်စစ်ကောင်စီတိုက်လေယဉ်ဖြင့် ဗုံးများလာရောက်ကြဲချသည့် ရွာများသည် ယမန်နှစ် မတ်လ၂၇ရက်တွင်ကျရောက်သည့် စစ်ကောင်စီ၏ တပ်မတော်နေ့တွင် ပထမဆုံး လာရောက် ဗုံးကြဲချသည့် ရွာများဖြစ်သည်ဟု ဆိုသည်။
Public Service Announcement
