မြ၀တီ- ကော့ကရိတ်အာရှလမ်းပိုင်းမှာ သွားနေတဲ့ ယာဉ်တစ်စီး ဒီကနေ့မနက်ပိုင်းက ပစ်ခတ်ခံခဲ့ရပြီး အမျိုးသားတစ်ဦး ထိမှန်သေဆုံးသွားခဲ့တယ်လို့ ဒေသခံတွေဆီကနေ သိရပါတယ်။
ဒီကနေ့ မနက် ၈ နာရီ ၂၀ အချိန်က ကော့ကရိတ်မြို့နယ် မြ၀တီ-ကော့ကရိတ်အာရှလမ်းမ ယာယီဘေလီတံတားအနီးမှာ ကော့ကရိတ်ကနေ မြ၀တီသွားမယ့် ယာဉ်တစ်စီးဟာ ပစ်ခတ်ခဲ့ရတာဖြစ်ပြီး အမျိုးသားတစ်ဦးသေဆုံးသွားခဲ့တာလို့ ဒေသခံတွေက ပြောပါတယ်။
မနေ့ မတ်လ ၂၇ ရက်ကလည်း အာရှလမ်း တောနော်ရေတံခွန်အနီးမှာ ကုန်တင်ယာဉ်နှစ်စီး မီးရှို့ခံခဲ့ရပြီး စစ်ကောင်စီနဲ့ KNLA ပူးပေါင်းအဖွဲ့တွေ တိုက်ပွဲဖြစ်ပွားလျက်ရှိနေတာ ဖြစ်ပါတယ်။
မြ၀တီ-ကော့ကရိတ်အာရှလမ်းပိုင်းမှာ ဒီကနေ့မနက်ပိုင်းက ယာဉ်ငယ်အချို့ သွားလာတာတွေရှိနေပြီး ယာဉ်ကြီး ကုန်တင်ယာဉ်အများစုတွေကတော့ သွားလာမှုမရှိပဲ ရပ်တန့်စောင့်ဆိုင်းနေကြရတယ်လို့ ဒေသခံတွေရဲ့ ပြောကြားချက်အရ သိရပါတယ်။
Public Service Announcement
မြ၀တီ-ကော့ကရိတ်အာရှလမ်းပိုင်းနဲ့ မြ၀တီ-ဝေါ်လေကားလမ်းပိုင်းကို မတ်လ ၂၇ ရက်ကစပြီး ဒေသခံပြည်သူတွေအနေနဲ့ သွားလာတာတွေမပြုလုပ်ဖို့ ကေအဲန်ယူက အသိပေးစားထုတ်ပြန်ပြီးတဲ့နောက် အာရှလမ်းပိုင်းမှာ ထိတွေ့တိုက်ပွဲတွေပိုမိုဖြစ်ပွားလာခဲ့တာ ဖြစ်ပါတယ်။
