ရေစကြိုမြို့နယ် ပြည်သူ့ကာကွယ်ရေးတပ်ဖွဲ့(PDF) တပ်ရင်း(၂)၏ အခြေခံစစ်ပညာသင်တန်း အပတ်စဉ် (၅)သင်တန်းဆင်းပွဲကို ယနေ့ နံနက်တွင် ပြုလုပ်ခဲ့ကြောင်း ရေစကြို PDFက သတင်းထုတ်ပြန်သည်။
အဆိုပါ အခမ်းအနားကို ရေစကြိုမြို့နယ် တစ်နေရာ၌ မတ်လ ၂၈ရက် နံနက် ၈နာရီတွင် ပြုလုပ်ခဲ့ရာ သင်တန်း သား ၁၀၀ကျော်နှင့် ဒေသခံ ပြည်သူလူထုများ တက်ရောက်ခဲ့ကြောင်း ရေစကြို PDFက ထုတ်ပြန်သည့် ဓာတ်ပုံများ၌ တွေ့ရသည်။
ရေစကြို PDF တပ်ရင်း(၁)အနေဖြင့် စစ်သင်တန်း အမှတ်စဉ်(၁၀)အထိ သင်တန်းဆင်းပွဲကျင်းပခဲ့ပြီး တပ်ရင်း(၂)သည် အမှတ်စဉ်(၅)အထိရှိလာပြီဖြစ်သည်။
ရေစကြိုအပါအဝင် ဒေသအသီးသီး၌ အကြမ်းဖက်စစ်ကောင်စီတပ်ကို ခုခံတိုက်ခိုက်တွန်းလှန်ရန်အတွက် ပြည်သူ့ကာကွယ်ရေးတပ်ဖွဲ့အင်အားများ တိုးပွားလျက်ရှိသည်။
Public Service Announcement
ရေစကြို PDF အနေဖြင့် မြို့နယ်အတွင်းနှင့် ဆက်စပ်ဒေသများ၌ စစ်ကောင်စီတပ်နှင့် စစ်ကောင်စီထောက်တိုင်များကို တိုက်ခိုက်မှုများ လုပ်ဆောင်လျက်ရှိသည့် ကာကွယ်ရေးတပ်ဖွဲ့တစ်ခု ဖြစ်သည်။
