Connect with us

Hi, what are you looking for?

News

ကျွန်းချောင်း-ဆိပ်ဖြူလမ်းမကြီးအနီးတွင် စစ်ကောင်စီတပ်ကားများ တစ်ရက်တည်း သုံးကြိမ်တိုက်ခိုက်ခံရ

မောင်းနှင်လာသည့် စစ်ကောင်စီကား သုံးစီးအနက် ကားတစ်စီးမှာ အနည်းငယ်ပျက်စီးသွားပြီး ရဲဘော်များ အောင်မြင်စွာ ပြန်လည်ဆုတ်ခွာနိုင်ခဲ့သည်ဟု မြစ်ခြေ- ကျွန်းချောင်း ပြည်သူ့ကာကွယ်ရေးတပ်ဖွဲ့ (MC- KC PDF)က အသိပေးသည်။

မကွေးတိုင်း၊ ပခုက္ကူမြို့နယ် ကျွန်းချောင်း-ဆိပ်ဖြူလမ်းမကြီးအနီးတွင် အကြမ်းဖက်စစ်ကောင်စီတပ်ကားများ ယနေ့တစ်ရက်တည်း သုံးကြိမ်မြောက်တိုက်ခိုက်ခံရပြီး အကြမ်းဖက်စစ်ကောင်စီတပ်သား နှစ်ဦးသေဆုံးကြောင်း မြစ်ခြေ-ကျွန်းချောင်း ပြည်သူ့ကာကွယ်ရေးတပ်ဖွဲ့ (MC- KC PDF)က သတင်းထုတ်ပြန်သည်။

ကျွန်းချောင်း-ဆိပ်ဖြူ လမ်းမကြီးပေါ်မှ အရှေ့ကမ်းဖြူရွာဘက်သို့ မောင်းနှင်လာသော အကြမ်းဖက်စစ်ကောင်စီကားသုံးစီးအား ယနေ့(မတ်လ ၃ဝ ရက်)ညနေ ၄နာရီခန့်က မိုင်းဆွဲတိုက်ခိုက်ခဲ့ကြောင်း၊ အကြမ်းဖက်စစ်ကောင်စီတပ်သား နှစ်ဦးနေရာတွင်ပင် သေဆုံးနိုင်ပြီး ငါးဦး ထိခိုက်ဒဏ်ရာရရှိသွားကြောင်း မြစ်ခြေ-ကျွန်းချောင်း ပြည်သူ့ကာကွယ်ရေးတပ်ဖွဲ့ (MC- KC PDF) က သတင်းထုတ်ပြန်သည်။

“ဒီနေ့အတွက် နောက် Mission တစ်ခုပါ။ ပြန်ပစ်တာမျိုးမရှိဘူး။ မိုင်းဆွဲခံရအပြီး ပြန်ဆုတ်သွားကြတယ်”ဟု မြစ်ခြေ-ကျွန်းချောင်း ပြည်သူ့ကာကွယ်ရေးတပ်ဖွဲ့ (MC- KC PDF)၏ သတင်းပြန်ကြားရေးတာဝန်ခံ G-3 က ပြောသည်။

မောင်းနှင်လာသည့် စစ်ကောင်စီကား သုံးစီးအနက် ကားတစ်စီးမှာ အနည်းငယ်ပျက်စီးသွားပြီး ရဲဘော်များ အောင်မြင်စွာ ပြန်လည်ဆုတ်ခွာနိုင်ခဲ့သည်ဟု မြစ်ခြေ- ကျွန်းချောင်း ပြည်သူ့ကာကွယ်ရေးတပ်ဖွဲ့ (MC- KC PDF)က အသိပေးသည်။

Public Service Announcement

Public Service Announcement

ယနေ့(မတ်လ ၃၀) နံနက် ၄နာရီဝန်းကျင်အချိန်ခန့်ကလည်း ကျွန်းချောင်း-ဆိပ်ဖြူလမ်းမဘေးရှိ ဒဲ့ပြားရွာအဝင်လမ်းမပေါ်၌ စစ်ကြောင်းထိုးလာသော စစ်ကောင်စီ၏ ကားခုနစ်စီးအား မြစ်ခြေ- ကျွန်းချောင်း ပြည်သူ့ကာကွယ်ရေးတပ်ဖွဲ့မှ မိုင်းဆွဲတိုက်ခိုက်ခဲ့ကြောင်း၊ ဆက်လက်ပြီး နံနက် ၅နာရီခွဲခန့်တွင် ကျွန်းချောင်း-ဆိပ်ဖြူလမ်းမဘေးရှိ အရှေ့ကမ်းဖြူရွာအဝင်လမ်းမပေါ်၌ လှည့်လည်သွားလာနေသော စစ်ကောင်စီ၏ စစ်ကားတစ်စီးအား ထပ်မံမိုင်းဆွဲတိုက်ခိုက်ခဲ့ကြောင်း မြစ်ခြေ- ကျွန်းချောင်း ပြည်သူ့ကာကွယ်ရေးတပ်ဖွဲ့က အသိပေးထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

မကွေးတိုင်း၊ဆိပ်ဖြူမြို့နယ် အမှတ်(၂၂) ကာကွယ်ရေး ပစ္စည်းစက်ရုံ(ကပစ ၂၂) ကနေ ပေါက်မြို့နယ်ဘက်ကို အင်အားဖြည့်ဖို့ အာဏာသိမ်းစစ်တပ်က ကြိုးပမ်းနေတယ်လို့ ဒေသခံစစ်ရေးသတင်းရင်းမြစ်နဲ့တော် လှန်ရေးရဲဘော်တချို့က ပြောပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook