ကရင်နီပြည်နယ် ဒီးမော့ဆိုမြို့အရှေ့ဘက်ခြမ်း ဒေါခူလီကျေးရွာသို့ စစ်ကောင်စီ တပ်က လက်နက်ကြီးဖြင့် ရမ်းသန်းပစ်ခတ်ခဲ့၍ လူနေအိမ်တစ်လုံး ပျက်စီးခဲ့ ကြောင်း ကရင်နီအမျိုးသားများကာကွယ်ရေးတပ်ဖွဲ့(KNDF) တပ်ရင်း-၁၀လက သတင်းထုတ်ပြန်သည်။
မတ်လ ၃၁ရက် နံနက်၇နာရီခန့်တွင် စစ်ကောင်စီတပ်က လက်နက်ကြီးဖြင့် ရမ်းသမ်းပစ်ခတ် ခဲ့ခြင်းဖြစ်ပြီး လူထိခိုက်မှု မရှိကြောင်း ဖော်ပြသည်။
ဖေဖော်ဝါရီလလယ်မှ မတ်လဒုတိယအပတ်အတွင်း တိုက်ပွဲများပြင်းထန်ခဲ့သည့် ဒီးမော့ဆို မြို့နယ်တွင် လတ်တလောကာလ၌ စစ်ရေးအခြေအနေ အနည်းငယ် ငြိမ်သွားသော်လည်း စစ်ကောင်စီတပ်များက ပြည်သူလူထုနေအိမ်များကို မီးရှို့ဖျက်ဆီးနေကြောင်း ဒီးမော့ဆို PDF က သတင်းထုတ်ပြန်ထားသည်။ ဒီးမော့ဆိုမြို့နယ်မှ ပြည်သူလူထုနေအိမ် ၂၈၀ခန့်ကို စစ်ကောင်စီတပ် မီးရှို့ဖျက်ဆီးခဲ့သည်ဟု ဖော်ပြထားသည်။
