Connect with us

Hi, what are you looking for?

LuduNwayOo

News

သင်္ကြန်ပွဲ​​တော် ပျော်ပွဲ၊ရွှင်ပွဲများကို မပါဝင်ဘဲ သပိတ်မှောက်ကြရန် တော်လှန်ရေးအင်အားစုများ တိုက်တွန်း

ပြည်သူလူထုသည် အကြမ်းဖက်အာဏာသိမ်း စစ်အုပ်စုက အဓမ္မ လုပ်ကြံပုံဖော်နေသော “အပျော်သင်္ကြန်”ကို လုံးဝလက်မခံ၊ ငြင်းဆန်ပြီး ယခုမြန်မာနှစ်သစ်ကူးကာလကို ပြည်သူ့အသံ စစ်စစ်ဖြစ်သော တော်လှန်ရေးကာလ၏ “တော်လှန်သင်္ကြန်”အဖြစ် မှတ်ယူ၊ ဖြတ်သန်းကြရမည်ဖြစ်ပါသည်။

(ယခုနှစ် သက်ြန်ပွဲ​တော်ကျင်းပရန် စစ်​ကောင်စီမဏ္ဏပ်​ဆောက်လုပ်​နေစဥ်)

အကြမ်းဖက် အာဏာသိမ်းစစ်အုပ်စုသည် မကြာခင်ကျရောက်တော့မည့် မြန်မာနှစ်သစ်ကူးကာလကို အကြောင်းပြ၍ တိုင်းပြည်၏ အခြေအနေအရပ်ရပ်သည် ပုံမှန်ဖြစ်နေသယောင် လုပ်ကြံဖန်တီးမည့် အတုအယောင် “အပျော်သင်္ကြန်”နှင့် သင်္ကြန်အကြောင်းပြ ပျော်ပွဲရွှင်ပွဲ ပွဲလမ်းသဘင်အစီအစဉ်များကို ပြည်သူများအနေဖြင့် လုံးဝ (လုံးဝ)မပူးပေါင်း၊ မပါဝင်ကြခြင်းဖြင့် သပိတ် မှောက်ကြရန် တော်လှန်ရေးအင်အားစုများက ယနေ့ (ဧပြီ ၃) တိုက်တွန်းနှိုးဆော်လိုက်သည်။

ပြည်သူများအနေဖြင့် တော်လှန်ရေးအတွင်း ကျဆုံးခဲ့ပြီးသော အာဇာနည်ပုဂ္ဂိုလ်များ၊ အဓမ္မဖမ်းဆီးခံထားရသော အကျဉ်းကျ သူရဲကောင်းများ၊ အသက်ကို အရင်းတည်စတေးကာ တိုင်းပြည်အတွက် တောထဲတောင်ထဲတွင် တိုက်ပွဲဝင်နေသည့် PDF နှင့် EROs များ၊ အခက်အခဲ အကြပ်အတည်းပေါင်းများစွာကြားက ကြံ့ကြံ့ခံ ရင်ဆိုင်တိုက်ပွဲဝင်နေကြသော CDM သူရဲကောင်းများ၊ သိန်းပေါင်းများစွာသော စစ်ဘေးသင့် စစ်ဘေးရှောင်ပြည်သူများကို အသိအမှတ်ပြုခြင်း၊ စာနာခြင်း၊ လေးစားခြင်း၊ ဂုဏ်ပြုခြင်းအားဖြင့် ယင်းကဲ့သို့ သပိတ်မှောက်ရန် တိုက်တွန်းခြင်း ဖြစ်ကြောင်း GSCB က ထုတ်ပြန်သည်။

Public Service Announcement

လက်ရှိကာလသည် ဘုံရန်သူ အကြမ်းဖက်အာဏာသိမ်း စစ်အုပ်စုကို တွန်းလှန်တိုက်ပွဲဝင်နေသည့် ပြည်သူ့တော်လှန်ရေးကာလဖြစ်သည်နှင့်အညီ ပြည်သူများအနေဖြင့် သင်္ကြန်အကြောင်းပြ ပျော်ပွဲ၊ရွှင်ပွဲ ပွဲလမ်းသဘင်များ မကျင်းပ၊ မဆောင်ရွက်ကြရန်လည်း GSCB က အထူးလေးနက်စွာ တိုက်တွန်းနှိုးဆော်အပ်ကြောင်း ဖော်ပြထားသည်။

ပြည်သူလူထုသည် အကြမ်းဖက်အာဏာသိမ်း စစ်အုပ်စုက အဓမ္မ လုပ်ကြံပုံဖော်နေသော “အပျော်သင်္ကြန်”ကို လုံးဝလက်မခံ၊ ငြင်းဆန်ပြီး ယခုမြန်မာနှစ်သစ်ကူးကာလကို ပြည်သူ့အသံ စစ်စစ်ဖြစ်သော တော်လှန်ရေးကာလ၏ “တော်လှန်သင်္ကြန်”အဖြစ် မှတ်ယူ၊ ဖြတ်သန်းကြရမည်ဖြစ်ပါသည်။

Public Service Announcement

Public Service Announcement

ပြည်သူလူထုတရပ်လုံးအနေဖြင့် တော်လှန်ရေးကာလနှင့် လိုက်ဖက်ဆီလျော်ကာ ပြည်သူ့တော်လှန်ရေးကို အထောက်အပံ့ဖြစ်သည့် “တော်လှန်သင်္ကြန်”ကို မည်သို့ပါဝင်ဆင်နွှဲကြမည်၊ မည်သို့ ဖြတ်သန်းကြမည်စသည့် နှိုးဆော်တိုက်တွန်းချက်များကိုလည်း မကြာခင် ဆက်လက် တင်ပြသွားမည်ဖြစ်ကြောင်း တော်လှန်အင်အားစုများက အသိပေးထုတ်ပြန်သည်။

ဆက်စပ်သတင်းများ

သတင်း

ပန်းသပိတ်ကို ဆင်နွှဲဖို့ဆိုပေမယ့် ကိုယ့်ရဲ့ လုံခြုံရေးက အဓိကပါ။ ဘုရားပန်းကပ်တာမျိုး၊ ပန်းအိုးထိုးတာမျိုးနဲ့လည်းပန်းသပိတ်ကို ပါဝင်ဆင်နွှဲနိုင်ပါတယ်။

သတင်း

ဇွန်လ ၃ရက်ညက ဒေါနတောင်ပေါ် တောနောရေတံခွန်အကျော်ရှိ ဘုရားကုန်းဝန်းကျင်တွင် စစ်ကောင်စီ၏ အောင်ဇေယျစစ်ကြောင်းရှိရာကို KNLA ဦးဆောင်သော ပူးပေါင်းတပ်ဖွဲ့များက သွားရောက်တိုက်ခိုက်ခဲ့ခြင်းဟု ကရင်စစ်ရေးသတင်းရင်းမြစ်က ပြောသည်။

သတင်း

KNA(B)ရဲဘော်အား ချောင်းမြောင်းပစ်ခတ်သွားသည့် ကသည်းသူပုန်အဖွဲ့မှာ PLA ကသည်းသူပုန်အဖွဲ့ဖြစ်ကြောင်း ကာကွယ်ရေးရဲဘော်တဦးကပြောသည်။

သတင်း

မြိတ်ခရိုင်အတွင်း စစ်ရေးတိုက်ခိုက်မှုများတွင်ပါဝင်သော ပူးပေါင်းစစ်ကြောင်းများအနက် မြိတ်ခရိုင်ပြည်သူ့ကာကွယ်ရေးပူးပေါင်းစစ်ကြောင်း(၁)တွင် မြိတ်ခရိုင်တပ်ရင်း ၂ (တပ်ခွဲ ၁ )၊ ဘက်မလိုက်ပြောက်ကျား တပ်ဖွဲ့၊ တောင်ပိုင်းသူရဲကောင်းတပ်ဖွဲ့ (SWDF)၊ မြိတ်မြို့နယ် (ပ.က.ဖ) နှင့် ADF ဒရုန်းအဖွဲ့တို့ပူးပေါင်းပါဝင်ဖွဲ့စည်းထားသည်။