●နိုင်ငံခြားသို့ငွေလွှဲခြင်းကို ဧပြီ ၄ရက်မှစ၍မရတော့
မြန်မာနိုင်ငံတွင် VISA၊ Master ကတ်အပါအဝင် နိုင်ငံခြားငွေဘဏ်အကောင့်များယနေ့( ဧပြီ ၄ ရက်)မှစ၍ သုံးစွဲမရတော့ကြောင်း ကိုယ်တိုင်အသုံးပြုသူများကပြောသည်။
အကြမ်းဖက်စစ်ကောင်စီက ဧပြီ ၃ရက် (တနင်္ဂနွေနေ့)တွင် နိုင်ငံခြားသုံးငွေများကို ကန့်သတ်လိုက်ပြီးနောက် နိုင်ငံခြားငွေထည့်သွင်းထားသည့် ဘဏ်အကောင့်များကိုပါ ပြည်တွင်းဘဏ်များက ငွေလွှဲခွင့်ပိတ်လိုက်ခြင်းကြောင့်ဖြစ်သည်ဟု ဘဏ်လုပ်ငန်းလုပ်ကိုင်နေသူများကပြောသည်။
VISA ၊ Master ကတ်များအပါအဝင်နိုင်ငံခြားဘဏ်အကောင့်များကို ပြည်တွင်း၊ပြည်ပငွေလွှဲခြင်းများအပြင် မည့်သည့်လုပ်ငန်းစဥ်များကိုမှ လုပ်ဆောင်၍ မရအောင် ပိတ်ထားသည်ဟု သုံးဆွဲသူများကပြောသည်။ထိုသို့ ဝန်ဆောင်မှုများ ရပ်နားသွားခြင်းအပေါ် ပြည်တွင်းပုဂ္ဂလိကဘဏ်များက သုံးစွဲသူများထံ တစုံတရာအကြောင်းကြားခြင်းမရှိဘဲ ငွေလွှဲဝန်ဆောင်မူကို ရပ်တန့်ခဲ့ခြင်းဖြစ်သည်ဟု သုံးဆွဲသူတစ်ဦးကပြောသည်။
Public Service Announcement
“VISA ကတ်တွေ သုံးလို့မရတော့ဘူး။ ငွေလွှဲတာကို အခု မနက်မှာပဲ ပိတ်ထားတယ်”ဟု KBZ VISA ကတ်ကိုင်ထားသူတစ်ဦးကပြောသည်။
အခြားပြည်သူတစ်ဦးကလည်း ၎င်းကို ဘဏ်ဘက်က ယခုရပ်ဆိုင်းထားရခြင်းမှာ ဗဟိုဘဏ်၏ ညွန့်ကြားချက်ကြောင့်ဖြစ်ပြီး ပြန်လည် အသုံးပြုနိုင်မည့် ရက်ကို မသိရသေးဟု အကြောင်းပြန်သည်ဟု ပြောသည်။
“ဖုန်းငွေဖြည့်လို့တောင်မရဘူး”ဟု VISAကတ်သုံးဆွဲသူတစ်ဦးကပြောသည်။
အကြမ်းဖက်စစ်ကောင်စီ ထိန်းချုပ်ထားသည့် ဗဟိုဘဏ်က ပြည်ပငွေလွှဲခြင်းများကို ဧပြီ ၄ ရက်က စတင်၍ နိုင်ငံခြားသုံးငွေကြီးကြပ်မူကော်မတီ၏ ခွင့်ပြုချက်ဖြင့်သာဆောင်ရွက်ရမည်ဟု ကန့်သတ်လိုက်ခြင်းကြောင့် ယခု ဘဏ်များက အကောင့်များကို ပိတ်သိမ်းလိုက်ခြင်းဖြစ်သည်ဟု ပြည်တွင်းဘဏ်တခုမှ တာဝန်ရှိသူတစ်ဦးကပြောသည်။
ပြည်တွင်းသို့ငွေလွှဲပါကလည်း နိုင်ငံခြားဝင်ငွေကိုတစ်ရက်အတွင်း ပြည်တွင်းဘဏ်များသို့ ၁ ဒေါ်လာလျှင် ၁၈၅၀ကျပ်ဖြင့် မဖြစ်မနေရောင်းရန် စစ်ကောင်စီကဖိအားပေးထားသည်။
