၂၈မိုင်ခရီးသာရှိသည့် ရေဦး – ရွှေဘို ယာဥ်စီးခ တစ်သောင်းကျပ်၊ ၅၄ မိုင်ခရီးရှိသည့် ရေဦး – မုံရွာလမ်း တစ်သောင်းခွဲကျပ်၊ မိုင် ၁၁၀ရှိသည့် ရေဦး – မန္တလေး ခရီးလမ်း နှစ်သောင်းခွဲကျပ် စသဖြင့် သောင်းကျော်ပေး၍ သွားလာနေရကြောင်း၊ ယခင်က အဆိုပါလမ်းပိုင်းများတွင် ခရီးသည်တစ်ဦး ထောင်ဂဏန်းဝန်းကျင်သာရှိပြီး အာဏာသိမ်းပြီး တစ်နှစ်ကျော်အကြာတွင် အဆမတန်မြင့်တက်သွားခြင်းဖြစ်ကြောင်း ဒေသခံများက ပြော သည်။
“ကားဂိတ်ကနေစီးရင် ကားတွေကို ဂိတ်ကြေးဖြတ်တဲ့အတွက် ဈေးမလျှော့ဘူး။ အတိအကျပေးရတယ်။ လမ်းကတားစီးရင် ဈေးလျှော့တယ်။ တခြား ကြားကားတွေကတော့ ရွာအထိလာခေါ်တယ်။ဈေးလဲလျှော့တယ်လို့ ပြောနေကြပါသည်။ ဈေးလျှော့တဲ့ကားက လူစီးများတယ်။ နူန်းထားတွေက သက်မှတ်ချက်တော့ အသေမရှိပါဘူး။ အခြေအနေအရ ကြည့်ပေးနေရတယ်”ဟု ဒေသခံတစ်ဦးက ပြောသည်။
အဆိုပါလမ်းပိုင်းများတွင် အကြမ်းဖက်စစ်ကောင်စီတပ်အား ဒေသတွင်း PDF အဖွဲ့များက မကြာခဏ ခုခံတိုက် ခိုက်နေကြပြီး အန္တရာယ်များသည့်အတွက် ခရီးသည်တင်ကားများပါ အသွားအလာနည်းပြီး စျေးနှုန်းမြင့်လာခြင်းဖြစ်နိုင်ကြောင်း၊ ဆီစျေးကြီးမှုကြောင့်လည်း ပါဝင်ကြောင်း ဒေသခံအချို့က ပြောသည်။
