ရန်ကုန်တိုင်း ထန်းတပင်မြို့နယ်အတွင်း စစ်ကောင်စီတပ်မှ ယာဥ်တစ်စီးကို ပဒေသာ မိုင်းဖြင့်တိုက်ခိုက်ခဲ့ကြောင်း From Zero To Hero(ZTH)အဖွဲ့က ယနေ့(ဧပြီ ၄)ထုတ်ပြန်သည်။
ယနေ့နံနက် ၅ နာရီခန့်က ထန်းတပင်မြို့နယ် အနောက်ပိုင်းတက္ကသိုလ်အနီး ဗုံးတစ်လုံးကို အရောင်ပြဖောက်ခွဲခဲ့ကြောင်း ထုတ်ပြန်ချက်တွင် ဖော်ပြသည်။
အဆိုပါဖောက်ခွဲမှုကြောင့် နံနက် ၈နာရီခန့်တွင် စစ်ကောင်စီတပ်သားများ ယာဥ်တစ်စီး နှင့်ရောက်ရှိလာရာ ရွာသစ်နှင့် ထိန်နှစ်ပင်ကျေးရွာကြား အရောက်တွင် ပဒေသာမိုင်းသုံးလုံးဖြင့် ဖောက်ခွဲတိုက်ခိုက်ခဲ့ခြင်း ဖြစ်သည်။
“ဒီကောင်တွေ ရွာထဲရှိတယ်ထင်ပြီး ခေါ်မိုင်းနဲ့စခေါ်တယ်။ ဒီကောင်တွေ မရှိမှန်းသိတော့ တွက်ဆပြီး ပဒေသာ နဲ့ခွဲပေးလိုက်တယ်”ဟု ZTH တပ်ဖွဲ့မှ တော်လှန်ရေးရဲဘော်တစ်ဦးက ပြောသည်။
Public Service Announcement
တိုက်ခိုက်ခံရမှုကြောင့် စစ်ကောင်စီတပ်ဖွဲ့ဝင်များ အပြင်းအထန်ထိခိုက်ခဲ့ပြီး အထိနာသွား သောကြောင့် ထိန်နှစ်ပင်ကျေးရွာအဝင်အထွက်အား အချိန်အတန်ကြာပိတ်ဆိုးထားခဲ့ကြောင်း ထုတ်ပြန်ချက်တွင် ဖော်ပြသည်။
လက်ရှိအခြေအနေတွင် တော်လှန်ရေးတပ်ဖွဲ့များအနေဖြင့် စစ်ရေးအရှိန်မြှင့် လုပ်ဆောင် နေခြင်းကြောင့် ပြည်သူများ သတိထားသွားလာကြရန်နှင့် အကူအညီများပေးကြရန် ZTH တပ်ဖွဲ့က အသိပေးထားသည်။
