အာဏာသိမ်းစစ်ကောင်စီခန့် ဗဟိုဘဏ်ဒုတိယဥက္ကဌ ဒေါ်သန်းသန်းဆွေ နေအိမ်တွင် ယနေ့နံနက်ပိုင်းကသေနတ်ဖြင့်ပစ်ခတ်ခံပြီး ရန်ကုန်ဆေးရုံကြီးသို့ပို့ဆောင်ကုသစဥ်သေဆုံးသွားကြောင်း သိရသည်။
ရန်ကုန်မြို့၊ ဗဟန်းမြို့နယ် ရွှေဂုဏ်ရိပ်မွန်အိမ်ရာရှိ နေအိမ်တွင် နံနက်၉နာရီ ဝန်းကျင်၌ သေနတ်သမားကနေအိမ်အတွင်း ဝင်ရောက်ပစ်ခတ်ခဲ့ခြင်းဖြစ်ပြီး ဒုဥက္ကဌလင်မယားနှစ်ယောက်လုံးပစ်ခတ်ခံခဲ့ရသည်ဟု စစ်ကောင်စီတပ်နှင့် နီးစပ်ပြီး ယုံကြည်ရသောသတင်းအရင်းအမြစ်များထံမှသိရသည်။ သေနတ်ပစ်ခတ်ခံရပြီးနောက်၎င်းတို့ကို ရန်ကုန်ဆေးရုံးကြီးသို့သယ်ဆောင်ကုသပေးခဲ့ခြင်း ဖြစ်သည်။ ဆေးရုံတွင် ဆေးကုသမှုခံယူနေစဥ် ဒေါ်သန်းသန်းဆွေမှာ သေဆုံးသွားသည်ဟု ရဲတပ်ဖွဲ့အသိုင်းအဝိုင်းက သိရသည်။
ဒေါ်သန်းသန်းဆွေကို မည်သူ၊မည်သည့်အဖွဲ့အစည်းကပစ်ခတ်လုပ်ကြံသည်ကို ယခုအချိန်အထိမည်သူကမျှ ထုတ်ပြန်ခြင်းမရှိဘဲ မည့်သူက ပစ်ခတ်သည်ကိုလည်းမသိရှိရပေ။
ထိုပစ်ခတ်မူအပြီးတွင် ဗဟန်းမြို့နယ်၊ ရွှေဂုံရိပ်မွန် အိမ်ရာအတွင်း အကြမ်းဖက်စစ်ကောင်စီတပ်များ လာရောက်ပြီး ပိတ်ဆို့စစ်ဆေးမူများပြုလုပ်နေလည်းသိရသည်။
ဒေါ်သန်းသန်းဆွေသည် အကြမ်းဖက်စစ်ကောင်စီခန့်အပ်ထားသည့် ပြည်ထောင်စုအဆင့် ရာထူးအကြီးပိုင်းပုဂ္ဂိုလ်များတွင် ပထမဦးဆုံး သေနတ်ဖြင့်ပစ်ခံရသူဖြစ်လာသည်။
ဒေါ်သန်းသန်းဆွေသည် ဗဟိုဘဏ်တွင် ပြည်တွင်းဘဏ်များကို ကိုင်တွယ်ရသည့် ဒုတိယဥက္ကဌတစ်ဦးဖြစ်ပြီး ဘဏ်များရှိ အများပြည်သူငွေများကို ကန့်သတ်ခြင်း၊ CDMဘဏ်ဝန်ထမ်းများကို အရေးယူရန် ဖိအားပေး စသည့်တို့ကို ဦးဆောင်ပြုလုပ်ခဲ့သူတစ်ဦး ဖြစ်သည်ဟု ဘဏ်အသိုင်းအဝိုင်းမှသိရသည်။