ကော့ကရိတ်မြို့မရဲစခန်း ဒီကနေ့ညနေပိုင်းက ဒရုန်းနဲ့တိုက်ခိုက်ခံခဲ့ရပြီး ထိခိုက်တာတွေတော့ မသိရသေးဘူးလို့ ဒေသခံတစ်ဦးက ပြောပါတယ်။
ကော့ကရိတ်မြို့မရဲစခန်းအပေါ်တည့်တည့်ကို ဒရုန်းနဲ့လာရောက်တိုက်ခိုက်ခဲ့တာဖြစ်ပြီး ဒီလို တိုက်ခိုက်ပြီးတဲ့နောက် စစ်ကောင်စီဘက်က သေနတ်နဲ့ ဒရုန်းကို လိုက်လံပစ်ခတ်ခဲ့တယ်လို့ အဲ့ဒီဒေသခံတစ်ဦးက ပြောပါတယ်။
“ကော့ကရိတ်မြို့မရဲစခန်းတည့်တည့်မှာ ဒရုန်းလွတ်ပြီးတော့ အလုံးကြီးသွားချတာပေါ့။ ထိခိုက်နစ်နာမှုတွေ ရှိလားမရှိလား မသိဘူး။ သွားလွတ်ချလိုက်တဲ့ အလုံးကြီးတွေ ပေါက်ကွဲသွားတာပေါ့။ ပေါက်ကွဲပြီးတော့ စကစဘက်က သေနတ်တွေနဲ့ ဒရုန်းကိုလိုက်ပစ်တာပေါ့”လို့ ဒေသခံတစ်ဦးက ပြောပါတယ်။
အခြားကော့ကရိတ်ဒေသခံတစ်ဦး ပြောတာကတော့ မြို့မရဲစခန်းအပေါ်ကို ဒရုန်းနဲ့လာပြီး ဗုံးနှစ်လုံး ချသွားခဲ့တာလို့ ပြောပါတယ်။