Connect with us

Hi, what are you looking for?

LuduNwayOo

News

သင်္ကြန်ပွဲ​တော် လူထု၏ ဆန္ဒပြသပိတ်များက စစ်အာဏာသိမ်းမှုအပေါ် ခုခံတော်လှန်မှု အားကောင်းနေဆဲဖြစ်သည်ကို ပြသနေခြင်းဟု SAC-M ထုတ်ပြန်

အကြမ်းဖက်စစ်တပ်၏ တိုက်ခိုက်မှုများဆက်လက်ရှိနေသည့်တိုင် ပြည်သူများက စစ်ကောင်စီကို ဆန့်ကျင်ခုခံနေပြီး အနာဂတ်ဖက်ဒရယ်ဒီမိုကရေစီအုတ်မြစ်များချနေကြောင်း SAC-M က ဆိုသည်။

(ရန်ကုန်မြို့ ကမာရွတ်မြို့နယ် ပြည်လမ်း လှည်းတန်းခုံးတံတားအောက်တွင် ယနေ့ (ဧပြီ ၁၅)သင်္ကြန်အကြတ်နေ့ ၌ ရန်ကုန်လူထုသပိတ်မှ လူငယ်များက အကြမ်းဖက် စစ်အာဏာရှင်ဆန့်ကျင်ရေး စာတန်းချိတ်ဆန္ဒပြခဲ့ကြသည်၊ဓာတ်ပုံ - ရန်ကုန်လူထုသပိတ်)

မဟာသင်္ကြန်တွင် နိုင်ငံတဝန်းကြီးမားကျယ်ပြန့် သော သပိတ်ဆင်နွှဲများက စစ်အာဏာသိမ်းမှုအပေါ် မြန်မာပြည်သူလူထု၏ ခုခံတော်လှန်မှု အားကောင်းနေဆဲဖြစ်သည်ကို ပြသနေကြောင်း ကုလသမဂ္ဂကျွမ်းကျင်သူများအဖွဲ့ SAC-M က ယနေ့ထုတ်ပြန် သည်။

အကြမ်းဖက်စစ်တပ်၏ တိုက်ခိုက်မှုများဆက်လက်ရှိနေသည့်တိုင် ပြည်သူများက စစ်ကောင်စီကို ဆန့်ကျင်ခုခံနေပြီး အနာဂတ်ဖက်ဒရယ်ဒီမိုကရေစီအုတ်မြစ်များချနေကြောင်း SAC-M က ဆိုသည်။

“မြန်မာနိုင်ငံမှာ ကြီးမားကျယ်ပြန့်တဲ့နှစ်ကူးဆန္ဒပြသပိတ်တွေက ဒီမိုကရေစီနည်းကျခုခံမှု ဆက်လက်လုပ်ဆောင်မယ်ဆိုတဲ့ ပြည်သူလူထုရဲ့ ကတိကဝတ်ကို အားကောင်းတဲ့သတင်းစကားအဖြစ် အသိပေးလိုက်ပါတယ်။ စစ်တပ်က အခြေအနေပုံမှန်ဖြစ်နေပါပြီလို့ ဖော်ပြလိုပေမယ့် မြန်မာပြည်သူတွေရဲ့ ဆန္ဒပြသပိတ်တွေက အဲဒီလိုမဟုတ်ပါဘူးဆိုတာ ရှင်းရှင်းလင်းလင်းပြသလိုက်တာပါပဲ” ဟု SAC-M အဖွဲ့ဝင် Chris Sidoti က ပြောသည်။

မြန်မာတို့၏ ရိုးရာသင်္ကြန်ကာလတွင် လူမရှိသော လမ်းမများက စစ်တပ်ကို နိုင်ငံတဝန်းရှိ ပြည်သူလူထုက ဆန့်ကျင်ခုခံကြောင်းပြသသည့်လုပ်ရပ်ဖြစ်ကြောင်း SAC-M က ဆိုသည်။

အကြမ်းဖက်စစ်ကောင်စီသည် ၎င်း၏ အုပ်ချုပ်မှုအောက်တွင် ပြည်သူများ ပုံမှန်အတိုင်းလည်ပတ်နေပြီဖြစ်ကြောင်း ပြည်တွင်းရှိ ၎င်းကို ထောက်ခံသူများနှင့် နိုင်ငံတကာကို ပြသရန်ကြိုးစား ခဲ့သော်လည်း စစ်အာဏာရှင်ကို ဆန့်ကျင်သော ပြည်သူလူထု၏ ညီညွတ်မှုဖြင့် သင်္ကြန်ကို ပါဝင် ဆင်နွှဲခြင်းမပြုဘဲ သပိတ်မှောက်ခဲ့ကြသည်။

စစ်ကောင်စီသည် ရန်ကုန်၊ မန္တလေး၊ နေပြည်တော်အပါအဝင် နိုင်ငံတဝန်း၌ ဖျော်ဖြေရေးမဏ္ဍပ်များဆောက်ကာ သင်္ကြန်စည်ကားကြောင်း ၎င်း၏ ဝါဒဖြန့်မီဒီယာများမှ ထုတ်လွှင့်ခဲ့ပြီး ယင်း သည်လည်း စစ်ကောင်စီလက်အောက်ခံဝန်ထမ်းများနှင့် ၎င်းကိုထောက်ခံအားပေးသူအချို့ကို အတင်းအကြပ် သို့မဟုတ် ငွေပေးကာ ဖျော်ဖြေရေးမဏ္ဍပ်များတွင် လူစည်ကားကြောင်း လိမ် လည်ခဲ့ခြင်းဖြစ်သည်။

You May Also Like

သတင်း

ယနေ့ရရှိသော အချက်အလက်များအရ ဧရာဝတီတိုင်းအစိုးရအဖွဲ့၏ လူမှုရေးဝန်ကြီး ဒေါက်တာလှမြတ်သွေးကို ပုသိမ်အကျဉ်းထောင်တွင်း အထူးတရားရုံးမှ ရာဇသတ်ကြီးဥပဒေပုဒ်မ ၅၀၅ (ခ)ဖြင့် ဇန်နဝါရီ ၃၀ ရက်တွင် ထောင်ဒဏ် (၂)နှစ် အမိန့်ချမှတ်ခဲ့ကြောင်း ဖော်ပြသည်။

သတင်း

၂၀၂၂ တစ်နှစ်ပတ်လုံး ဆက်လက်ကျယ်ပြန့်လာနေသည့် မြန်မာနိုင်ငံရှိ လူ့အခွင့်အရေးရက်စက်ကြမ်းကြုတ်မှုများမှာ စစ်တပ်ကို တာ၀န်ခံခိုင်းခြင်းမရှိမချင်း ဆက်လက်ဖြစ်ပွားနေမည်ဖြစ်ကြောင်း ကုလသမဂ္ဂအရာရှိဟောင်းများဖြင့် ဖွဲ့စည်းထားသော SAC-M ၏ ယနေ့ထုတ်ပြန်သည့် စာတမ်းအသစ်၌ ဖော်ပြသည်။

သတင်း

တရားမဝင် ဝင်ရောက်လာသူများအနေဖြင့်လည်း ထိုင်းအာဏာပိုင်များ၏ ဖမ်းဆီးခြင်း ခံရနိုင်သည့်အပြင် အခြားသော အန္တရာယ်များဖြစ်သည့် လူကုန်ကူးခံရခြင်း၊ ယာဥ်မတော်တဆဖြစ်ခြင်း၊ တိမ်းမှောက်ခြင်း၊ သတ်ဖြတ်ခံရခြင်း စသည်တို့နှင့်လည်း ရင်ဆိုင်ကြုံတွေ့နိုင်ရကြောင်း ထိုင်းနိုင်ငံအခြေစိုက် မြန်မာအလုပ်သမားအရေးကူညီပေးနေသူတစ်ဦးက ပြောသည်။

သတင်း

ညွှန်းကိန်းများအရ ဖမ်းဆီးချုပ်နှောင်ခံထားရစဉ် သေဆုံးသူ အနည်းဆုံး (၂၇၃) ဦးခန့်ရှိပြီဖြစ်ကြောင်းလည်း ဆက်ပြောသည်။