စစ်ကိုင်းတိုင်း ကသာမြို့နယ် ချောင်းဝကျေးရွာမှထွက်လာသော အကြမ်းဖက်စစ်ကောင်စီ၏ခြေလျှင်စစ်ကြောင်းကို စောင့်ကြိုတိုက်ခိုက်ရာ စစ်ကောင်စီတပ်သားများထိခိုက်သေဆုံးမှုများပြားနိုင်ကြောင်း မြို့လှ(KPDF)က ယနေ့(ဧပြီ ၂၃ ရက်) ထုတ်ပြန် သည်။
တိုက်ပွဲဖြစ်စဥ်မှာ ချောင်းဝရွာမှ မင်းကျောင်းကုန်းကျေးရွာဖက်သို့ ခြေလျှင်စစ်ကြောင်းထိုးလာသော အကြမ်းဖက်စစ်ကောင်စီတပ်အား ယမန်နေ့ (ဧပြီ ၂၂)ည ၇ နာရီခွဲခန့်တွင် တိုက်ခိုက်ခဲ့ခြင်းဖြစ်သည်။
အင်အား ၄၀ပါ အကြမ်းဖက်စစ်ကောင်စီစစ် ကြောင်းကို RPG လက်နက်နှင့် 79MM များဖြင့် ပစ်ခတ်ခဲ့ရာ စစ်ကောင်စီတပ်၏ စစ်ကြောင်းချီရာအနီးကျရောက်ပေါက်ကွဲခဲ့သည်ဟု အသိပေး သည်။
အပြန်အလှန် ပစ်ခတ်မှုများဖြင့် ၁၅မိနစ်ခန့်ကြာ တိုက်ပွဲဖြစ်ပွားခဲ့ကြောင်း မြို့လှ KPDF က ဆိုသည်။
Public Service Announcement
တိုက်ပွဲအတွင်း စစ်ကောင်စီစစ်ကြောင်းမှ သေဆုံးမှုများနှင့် အများအပြားထိခိုက်မှုရှိပြီး မြို့လှ KPDF တပ်မှ အထိအခိုက်မရှိအသာစီးဖြင့် ဗျူဟာကျ ကစားကွက်ရွှေ့နိုင်ခဲ့ကြောင်း ထုတ်ပြန်ချက်၌ ဖော်ပြသည်။
စစ်ကိုင်းတိုင်းအထက်ပိုင်းတွင် ရေယာဥ်များဖြင့် အကြမ်းဖက်စစ် ကောင်စီတပ်များ ပြောင်းရွှေ့ ခြင်းနှင့် ရိက္ခာ ပို့ဆောင်ခြင်းများကို ပြည်သူ့ကာ ကွယ်ရေးတပ်များက မကြာခဏ ကြားဖြတ်တိုက်ခိုက်နိုင်နေသည်။
