ရန်ကုန်မြို့ သာကေတမြို့နယ်အတွင်း သွေးသောက်အဖွဲ့ဖွဲ့ပြီး သင်တန်းပေးမှုများလုပ်ဆောင်နေသည့် ရာအိမ်မှူးတစ်ဦးကို ရှင်းလင်းခဲ့ကြောင်း Soul Takers (Yangon Underground Force) အဖွဲ့က ထုတ်ပြန်သည်။
မေလ ၂ ရက် နံနက်က သာကေတမြို့နယ် ဗိုလ်ဆွန်ပက်လမ်းတောင်ပိုင်းရှိ ရာအိမ်မှူး အောင်ဖြိုးကို ၎င်း၏ နေအိမ်အတွင်း ဝင်ရောက်ရှင်းလင်းခဲ့ကြောင်း ထုတ်ပြန်ထားသည်။
“အောင်ဖြိုးသည် သာကေတမြို့နယ်အတွင်းရှိ တော်လှန်ရေးအင်အားစုများ၏ အချက်အလက်များအား စကစ ကိုသတင်းပေးခြင်း ၊ စကစ လက်ကိုင်တုတ်အနေဖြင့် ပြည်သူများအား အကြောင်းမဲ့ ခြိမ်းခြောက်ခြင်း ၊ လူစုကာ ပရဟိတလုပ်ငန်းတစ်ဖက်အမည်ခံ၍ သွေးသောက်အဖွဲ့ ဖွဲ့စည်းပြီး သင်တန်းပေးနေခြင်းစသည့် ကိစ္စရပ်များပြုလုပ်နေသည်ကို ပြည်သူများ တိုင်တန်းချက်များအရ အကြောင်းအရင်းခိုင်မာစွာ လေ့လာစစ်ဆေးပြီးမှ သုတ်သင်ရှင်းလင်းခဲ့ခြင်းဖြစ်ပါသည်”ဟု ထုတ်ပြန်ချက်၌ ဖော်ပြထားသည်။
အဆိုပါစစ်ဆင်ရေးတွင် Soul Takers အဖွဲ့သားများအားလုံး အောင်မြင်စွာ ဆုတ်ခွာလာနိုင်ခဲ့သည်ဟု သတင်းထုတ်ပြန်သည်။။
Public Service Announcement
