စစ်ကောင်စီစေလွှတ်သည့် စစ်သား လေးဦးကို ဂျပန်အမျိုးသားကာကွယ်ရေးအကယ်ဒမီသင်တန်း တက်ရောက်ခွင့်ပြုသည့်အပေါ် အပြင်းအထန်ကန့်ကွက်ရှုတ်ချကြောင်း NUG ဂျပန်ကိုယ်စားလှယ် စောဘလှသိန်းက ယမန်နေ့တွင် ထုတ်ပြန်သည်။
စစ်ရာဇဝတ်မှုများကျုးလွန်နေသည့် စစ်ကောင်စီ၏ စစ်သား လေးဦးကို ဂျပန်အမျိုးသားကာကွယ်ရေးအကယ်ဒမီသင်တန်းတက်ရောက်ခွင့်ပြုခဲ့သည့် ဂျပန်ကာကွယ်ရေးဝန်ကြီးဌာန၏ ဆုံးဖြတ်ချက်ကို ဂျပန်ရောက်မြန်မာနိုင်ငံသားများက အပြင်းအထန်ကန့်ကွက် သည်ဟု စောဘလှသိန်းက ပြောသည်။
လူ့အခွင့်အရေးအလေးထားသည့် ဂျပန်အနေဖြင့် မြန်မာနိုင်ငံ၌ စစ်အာဏာရှင်စနစ် ဆက်လက်ရှင်သန်ကြီးထွားခြင်းမရှိစေရန် စစ်ကောင်စီကို ဆက်ဆံခြင်း၊ ကူညီခြင်း၊ ထောက်ခံခြင်းများ လုံး၀မပြုလုပ်ရန် ဂျပန်ရောက်မြန်မာများက တောင်းဆိုသည်။
ဂျပန်က စစ်ကောင်စီကို အားပေးကူညီမှုများ၊ ဆက်ဆံမှုများ ပြုလုပ်နေမည်ဆိုပါက မြန်မာ့ဒီမိုက ရေစီထွန်းကားရေးလမ်းစဉ်ကို အဟန့်အတားဖြစ်စေမည့်အပြင် အပြစ်မဲ့ မြန်မာပြည်သူများအပေါ် စစ်ကောင်စီက အကြမ်းဖက်စစ်ဆင်ရေးများ ပိုမိုကျူးလွန်ခြင်း၊ လူ့အခွင့်အရေးချိုး ဖောက်မှုများ ပိုမိုကြီးထွားလာခြင်းများ ဖြစ်စေနိုင်ကြောင်း အထက်ပါ အမျိုးသားညီညွတ်ရေးရေး ကိုယ်စားလှယ်က အသိပေးထုတ်ပြန်သည်။
မြန်မာနိုင်ငံသားများသည် ၎င်းတို့အများစုထောက်ခံသော အမျိုးသားညီညွတ်ရေးအစိုးရကို တရားဝင်ဆက်ဆံပြီး ပြည်သူအစိုးရနှင့် နှစ်နိုင်ငံအကြား ချစ်ကြည်ရင်းနှီးမှုကို ဆတက်ထမ်းပိုး တိုးမြှင့်ကာ နှစ်နိုင်ငံ ရေရှည်အကျိုးစီးပွားကို ဖော်ဆောင်ခြင်းကသာ မြန်မာပြည်သူများ၏ အများစုသဘောထားဆန္ဒဖြစ် ကြောင်း ထုတ်ပြန်သည်။