Connect with us

Hi, what are you looking for?

News

ဖာပွန်မှာလက်နက်ကြီးကျလို့ ရွာသားတစ်ဦးအပြင်းအထန်ဒဏ်ရာရ

ထိခိုက်ဒဏ်ရာရရှိတဲ့ ဒေသခံအမျိုးသမီးကိုတော့ ဒေသတွင်းက ကျန်းမာရေးလုပ်ငန်းတွေ ဆောင်ရွက်ပေးနေတဲ့ ကရင့်ကျန်းမာရေးနဲ့ လူမှုကူညီရေးဆေးလုပ်သားတွေကနေ ဘေးကင်းလုံခြုံရာကို ပို့ဆောင်ခဲ့ပြီး ဆေးကုသမှုပေးနေတယ်လို့ ထုတ်ပြန်ချက်မှာ ဖော်ပြထားပါတယ်။

ဖာပွန်မှာ ကျေးရွာတွေထဲကို စစ်ကောင်စီလက်အောက်ခံ နယ်ခြားစောင့်တပ်(BGF) က လက်နက်ကြီးနဲ့ပစ်လို့ ဒေသခံတစ်ဦး အပြင်းအထန်ဒဏ်ရာရရှိသွားခဲ့တယ်လို့ မူတြော်သတင်းစဉ်က ထုတ်ပြန်ပါတယ်။

ဒီကနေ့ မေ ၄ ရက် မနက် ၈ နာရီ ၄၅ မိနစ်အချိန်က ဖာပွန်ခရိုင် ကတိုင်တိအခြေစိုက် BGF ၁၀၁၃ တပ်ရင်းက နိုဖောထီးနဲ့ ထီးဝါးထာကျေးရွာထဲကို လက်နက်ကြီးနဲ့ပစ်ခတ်ခဲ့လို့ ထီးဝါးထာရွာသူ အသက် ၆၀ ကျော်အရွယ် အမျိုးသမီးတစ်ဦး ညာဘက်လက်မောင်းမှာ အပြင်းအထန် ထိခိုက်ဒဏ်ရာရရှိသွားခဲ့တာပါ။

ထိခိုက်ဒဏ်ရာရရှိတဲ့ ဒေသခံအမျိုးသမီးကိုတော့ ဒေသတွင်းက ကျန်းမာရေးလုပ်ငန်းတွေ ဆောင်ရွက်ပေးနေတဲ့ ကရင့်ကျန်းမာရေးနဲ့ လူမှုကူညီရေးဆေးလုပ်သားတွေကနေ ဘေးကင်းလုံခြုံရာကို ပို့ဆောင်ခဲ့ပြီး ဆေးကုသမှုပေးနေတယ်လို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် ကူးဆိပ်ရွာအခြေစိုက် စစ်ကောင်စီရဲ့ စကခ ၈ လက်အောက်ခံ ခမရ (၄၀၈) တပ်ဟာ ဒီကနေ့ မနက်ပိုင်းကနေ ညနေပိုင်းအထိ ဘူးသိုမြို့နယ် မဲ့ကလောကျေးရွာထဲကို လက်နက်ကြီးအလုံးပေါင်း ၁၃ လုံးပစ်ခတ်ခဲ့သေးပြီး လယ်ယာဥယျာဉ်ခြံမြေထဲကို ကျရောက်ခဲ့ပေမယ့် ဒေသခံပြည်သူနဲ့ အိမ်မွေးတိရိစ္ဆာန်တွေ ထိခိုက်မှုမရှိဘူးလို့ တပ်မဟာ ၅ က ဆိုထားပါတယ်။

Public Service Announcement

Public Service Announcement

အခုနှစ် ပွင့်လင်းရာသီကနေစတင်ပြီး စစ်ကောင်စီနဲ့ နယ်ခြားစောင့်တပ်တွေဟာ ဒေသခံပြည်သူတွေနေထိုင်ရာကျေးရွာထဲကို နေ့စဉ် လက်နက်ကြီးတွေနဲ့ တမင်ရည်ရွယ်ပစ်ခတ်ခဲ့ပြီး စစ်ကောင်စီရဲ့တိုင်းစစ်ဌာနချုပ်ကနေ ကင်းထောက်လေယာဉ် ဒရုန်းလေယာဉ်တွေနဲ့ နေ့ရောညပါ ဒေသတွင်းအခြေအနေတွေကို ထောက်လှမ်းမှတ်တမ်းယူနေတာတွေ လုပ်ဆောင်ခဲ့တယ်လို့ တပ်မဟာ ၅ ရဲ့ ထုတ်ပြန်ချက်အရ သိရပါတယ်။

ဆက်စပ်သတင်းများ

သတင်း

မန္တလေးတိုင်း၊ မတ္တရာမြို့နယ်၊ ငယ်တိုးကျေးရွာမှာ စစ်တပ်က လက်နက်ကြီးနဲ့ ပစ်ခတ်တာကြောင့် ရေလည်ကျွန်းရွာအနီးကျကာ အမျိုးသား ၁ဦး ထိမှန် သေဆုံးခဲ့တယ်လို့ ဒေသခံတွေက ပြောပါတယ်။

သတင်း

ကရင်ပြည်နယ်ထဲက တိုက်ပွဲတွေမှာ မြန်မာစစ်တပ်ရဲ့ ဗုံးကြဲမှုကြောင့် ထိုင်းဖက်ခြမ်းက အဆောက်အအုံတွေ ထိခိုက်ပျက်စီးမှု ကြုံတွေ့ခဲ့တယ်လို့ သိရပါတယ်။

သတင်း

မွန်ပြည်နယ်၊ သထုံမြို့နယ် ချောင်းစောင့်ကျေးရွာကို အာဏာသိမ်းစစ်တပ်က လက်နက်ကြီးနဲ့ ပစ်ခတ်လို့ (၉)နှစ်အရွယ် ကလေးငယ် ၁ဦး ဒဏ်ရာရရှိခဲ့ပြီး စာသင်ကျောင်းနဲ့ ဘုန်းကြီးကျောင်း ထိခိုက်ပျက်စီးခဲ့ရဟု ကရင်အမျိုးသားအစည်းအရုံး(KNU) သထုံခရိုင် သတင်းရင်းမြစ်က ပြောပါတယ်။

သတင်း

ထိုင်းစစ်တပ်က သတိပေးတဲ့အနေနဲ့ မီးကျည်နှစ်လုံးပြန်လည်ပစ်ခတ်

Facebook