မန္တလေးမြို့ရှိ အကြမ်းဖက်စစ်ကောင်စီ၏ လက်နက်ယန္တရားတပ်ဂိတ်ကင်းကို တိုက်ခိုက်ခဲ့ကြောင်း Rangers of Mandalay -ROM မှ တာဝန်ရှိသူတစ်ဦးက ပြောသည်။
“မန္တလေးမြို့ကို တအားဖိနေလို့ကျွန်တော်တို့ အနေနဲ့ အသက်ရင်းပြီးလုပ်မယ်လို့ဆုံးဖြတ်ပြီးလုပ်ခဲ့တာပါ။မန္တလေးမြို့သွေးမအေးပါနဲ့တော်လှန်ရေးရဲဘော်များကို ပူးပေါင်းကူညီပေးပါလို့ပြောချင်ပါတယ်”ဟု ၎င်းက ပြောသည်။
ယင်းတိုက်ခိုက်မှုကို မေလ ၅ရက် နံနက်က ပြုလုပ်ခဲ့ခြင်းဖြစ်ပြီး အထိအခိုက်ကို မသိရသေးကြောင်း ၎င်းက ဆိုသည်။
“ကင်းမှာ သုံးယောက်လောက်ရှိတယ်။အမြန်ပစ်ခဲ့ရတာ။သေနတ်ကလည်း အဟောင်း ။ အကောင်းမဟုတ်တော့ ၅ တောင့်မှာ Error ဖြစ်သွားတာ “ဟု ROM မှ တာဝန်ရှိသူက ပြောသည်။
မန္တလေးမြို့တွင် လှုပ်ရှားနေသည့် UG များအတွက် အဖွဲ့အစည်းများအနေဖြင့် လက်နက်ထောက်ပံ့ပေးရန် လိုအပ်ကြောင်း ၎င်းက တောင်းဆိုသည်။
မန္တလေးမြို့ရှိ UG အဖွဲ့များကို စစ်ကောင်စီက ရှာဖွေဖမ်းဆီးမှုများ အရှိန်မြှင့်လုပ်ဆောင်နေသောကြောင့် အချို့ အဖွဲ့မှာ မြို့ကို ခေတ္တ စွန့်ခွာခဲ့ရကြောင်း သတင်းထုတ်ပြန်ထားသည်။