အကြမ်းဖက်စစ်ကောင်စီ၏ ဝါဒဖြန့်ပြန်ကြားရေးဝန်ကြီးဌာနက ထုတ်လုပ်သည့် အက်ပလီကေးရှင်းကို Apple ၏ App store နှင့် Google ၏ Play store တို့က ဖယ်ရှားလိုက်ကြောင်း Justice for Myanmar က ထုတ်ပြန်သည်။
စစ်ရာဇဝတ်မှုများကျူးလွန်နေသူ စစ်ကောင်စီခေါင်းဆောင် မင်းအောင်လှိုင်သည် ယမန်နေ့က နေပြည်တော် MICC ခန်းမ၌ ၎င်းတို့၏ ဝါဒဖြန့်မိုဘိုင်းအက်ပလီကေးရှင်းကို မိတ်ဆက်ဖွင့်လှစ် ခဲ့ပြီး တစ်ရက်အကြာတွင် အထက်ပါ အက်ပလီကေးရှင်း store နှစ်ခုစလုံးက ဖယ်ရှားခဲ့ခြင်းဖြစ် သည်။
အမေရိကန် Apple နှင့် Alphabet(Google ၏ မိခင်ကုမ္ပဏီ)တို့အနေဖြင့် ၎င်းတို့၏ ပလက်ဖောင်းများနှင့် ဝန်ဆောင်မှုပေးနေမှုများမှ မြန်မာစစ်တပ်နှင့် စစ်တပ် ထိန်းချုပ်သောအဖွဲ့အစည်းအားလုံးကို အပြည့်အ၀ပိတ်ဆို့တားမြစ်ရန် တောင်းဆိုမှုကို ထပ်လောင်းအတည်ပြုကြောင်း JFM က ထုတ်ပြန်သည်။
စစ်ကောင်စီသည် ၎င်း၏ ဝါဒဖြန့် MRTV မှတဆင့် မြန်မာပြည်သူလူထုကို စိတ်ပိုင်းဆိုင်ရာ စစ်ဆင်ရေးအစိတ်အပိုင်းတစ်ရပ်အဖြစ် သတင်းအမှားများ၊ အမုန်းစကားများကို ဖြန့်ဝေနေ သည်။
