Connect with us

Hi, what are you looking for?

LuduNwayOo

News

ပြည်သူနှင့်အတူ ရပ်တည်မည်ဟု CNF က အာဏာသိမ်းခေါင်းဆောင်၏ ဆွေးနွေးရန်ဖိတ်ခေါ်ချက်အပေါ် တုံ့ပြန်

ပြည်ထောင်စု၏ပြဿနာကို ပါဝင်သင့်သောStakeholder များအားလုံး ပါဝင်သည့် နိုင်ငံရေး ဆွေးနွေးမှုဖြင့် အဖြေရှာရန်လိုအပ်ကြောင်း CNF က ထုတ်ပြန်သည်။

ချင်းအမျိုးသားတပ်ဦး(CNF) အနေဖြင့် ပြည်သူလူထုနှင့်အတူ ရပ်တည်သွားမည်ဖြစ်ကြောင်း ထုတ်ပြန်ခဲ့ပြီး တိုင်းရင်းသားလက်နက်ကိုင်တော်လှန်ရေးအဖွဲ့ခေါင်းဆောင်များနှင့် တွေ့ဆုံဆွေးနွေးလိုကြောင်း အာဏာသိမ်းစစ်ကောင်စီခေါင်းဆောင် မင်းအောင်လှိုင်၏ ပြောဆိုချက်အပေါ် ကြေညာချက်ထုတ်ပြန်ခဲ့သည်။

CNFသည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီ၏ လုပ်ရပ်ကို ကန့်ကွက်ကာ ခုခံတော်လှန်ရေးတိုက်ပွဲများ ဆင်နွှဲနေသည့် ချင်းလက်နက်ကိုင် တပ်ဖြစ်သည်။

CNF/CNA တပ်ဖွဲ့ဝင်များ

ပြည်ထောင်စု၏ ပြဿနာများကို နိုင်ငံရေးတွေ့ဆုံဆွေးနွေးမှုဖြင့် အဖြေရှာရေးသည် CNF က အစဉ်တစိုက် ပြောဆိုခဲ့သည့် အရာဖြစ်ကြောင်း၊ နိုင်ငံရေးတွေ့ဆုံဆွေးနွေးမည်ဆိုလျင် ပါဝင်သင့်သော Stakeholder များအားလုံး ပါဝင်ရန်၊ နိုင်ငံတကာမှ ကြားဝင်စေ့စပ်ပေးရန်၊ နိုင်ငံရေးပြဿနာများကို အမှန်တကယ် အဖြေရှာရန် လိုအပ်ကြောင်း CNFက ဆိုသည်။

ပြည်ထောင်စု၏ပြဿနာကို ပါဝင်သင့်သောStakeholder များအားလုံး ပါဝင်သည့် နိုင်ငံရေး ဆွေးနွေးမှုဖြင့် အဖြေရှာရန်လိုအပ်ကြောင်း CNF က ထုတ်ပြန်သည်။

ထို​ကြောင့် အာဏာသိမ်းစစ်​ခေါင်း​ဆောင်၏ ဖိတ်ကြားချက်အ​ပေါ် ပြည်သူနှင့်အတူရပ်တည်၍ စစ်​ကောင်စီအားတိုက်ခိုက်​နေ​သော KIO/KIA ၊ KNPP ၊CNF တို့က ​​တွေ့ဆုံဆွေး​နွေးမည်မဟုတ်​ကြောင်းတရားဝင်စာထုတ်ပြန်ပြန်ထုတ်ပြန်ခြင်းဖြစ်ပြီး ၊KNU ကလည်းစစ်​ကောင်စီဖိတ်​ခေါ်မှုကို လက်မခံဟုအတိအလင်း ​ပြောကြားထားသည်။

Public Service Announcement

Public Service Announcement