စစ်​ကောင်စီ တိုက်ခိုက်ရန် ပြည်သူများ၏ လှူဒါန်း​ငွေဖြင့် ဝယ်ယူထား​သောလက်နက်ခဲယမ်းများကို ရွာငံမြို့ပြ​ပြောက်ကျားအဖွဲ့ ထုတ်ပြ

အကြမ်းဖက်စစ်ကောင်စီအား တိုက်ခိုက်ရန် ပြည်သူ လူထု၏ လှူဒါန်းငွေဖြင့်ဝယ်ယူခဲ့သည့် လက်နက်ခဲယမ်းအချို့ကို ရွာငံမြို့ပြပျောက်ကျားတပ်ဖွဲ့က ထုတ်ဖော်ပြသသည်။

M16 သေနတ်တစ်လက်အပါအဝင် လက်နက် ၆လက်၊ ကျည်ငါးရာကို ပြည်သူလူထုက ဧပြီအတွင်း လှူဒါန်းငွေဖြင့် ဝယ်ယူခဲ့သည်ဟု ဓာတ်ပုံမှတ်တမ်းနှင့်အတူ ယနေ့(မေ ၇ရက်) သတင်းထုတ်ပြန်ခြင်းဖြစ်သည်။

ဝယ်ယူထားသော လက်နက်ခဲယမ်းအချို့လည်း ကျန်ရှိနေသေးပြီး ငွေမချေရသေးကြောင်း ရွာငံမြို့ပြပျောက်ကျားတပ်ဖွဲ့ – Ye Ngan Urban Gierrillasက အသိပေး ထားသည်။

ဓနုကိုယ်ပိုင်အုပ်ချုပ်ခွင့်ရဒေသအပါအဝင် ရှမ်းပြည် နယ်တောင်ပိုင်းတွင် ဧပြီလမှစတင်ကာ စစ်ကောင်စီအား တန်​ပြန်တိုက်ခိုက်ရေး အရှိန်မြင့်လာနေသည်။

Public Service Announcement

ဒေသတွင်းပြည်သူ့ကာကွယ်ရေးအဖွဲ့ ၇ ဖွဲ့က ပူးပေါင်းပြီး ရှမ်းတောင်တော်လှန်ရေးလူငယ်များအဖွဲ့ (SSRY)ကိုဧပြီ ၂၁ရက်က ဖွဲ့စည်းခဲ့သည်။ အမျိုးသားညီညွတ်ရေးအစိုးရက ချမှတ်ထားသော မူဝါဒများနှင့်အညီရပ်တည်သွားမည်ဟု SSRYက ထုတ်ပြန်ထားသည်။

ထို့အပြင် ပင်းတယမြို့ပြပြောက်ကျားတပ်စု( Urban Task Force- Pindaya)ကိုလည်း မေလ ၄ရက်က ထပ်မံဖွဲဲ့စည်းခဲ့သည်။