ကရင်နီတွင်စစ်​ကောင်စီယာဥ်တန်းကိုပူး​ပေါင်းတပ်တိုက်ခိုက်စစ်သား ၂၀ ခန့်​​သေ

●စစ်​ကောင်စီတပ်သားအချို့ကိုဖမ်းဆီးနိုင်ခဲ့ပြီးလက်နက်ခဲယမ်းများလည်းသိမ်းဆည်းရရှိ၊စစ်ကား​လေးစီးကိုဖျက်ဆီး

ကရင်နီ(ကယား)ပြည်နယ်တွင် စစ်ကောင်စီယာဥ်တန်းကို ကရင်နီပြည်နယ်ရှိပူး​ပေါင်းတပ်များကတိုက်ခိုက်ရာ စစ်ကောင်စီတပ်သား ၂၀ ဦးခန့်သေဆုံးကာအချို့ကိုအရှင်ဖမ်းဆီးနိုင်ခဲ့ပြီး လက်နက်ခဲယမ်းအချို့သိမ်းဆည်းရမိကြောင်း Kayah Li Phu Channel က ထုတ်ပြန်သည်။

တိုက်ပွဲမှာ ယနေ့(မေ ၇ ရက်) ကဖြစ်ပွားခဲ့ခြင်း ဖြစ်ပြီး တိုက်ပွဲ ဖြစ်စဥ်နေရာကိုမူ ဖော်ပြမထားပေ။ ကရင်နီတပ်မ​တော်-KA နှင့် KNDF ပူး​ပေါင်းတပ်ကတိုက်ခိုက်ခဲ့ခြင်းဖြစ်​ကြောင်း​ဒေသတွင်း သတင်းဌာနတစ်ခုဖြစ်​သော ကန္တာရဝတီတိုင်းမ်က​ဖော်ပြသည်။ဖရူဆိုမြို့နယ်တစ်​နေရာတွင် ဖြစ်​ကြောင်း​ဒေသခံအချို့က​ပြော​သော်လည်းသီးခြားအတည်မပြုနိုင်​သေးပါ။

သေဆုံးနေသည့်စစ်ကောင်စီတပ်သားအလောင်းများနှင့် ဒဏ်ရာ ရရှိသော စစ်ကောင်စီတပ်သားတစ်ဦးကို ဗီဒီယိုဖိုင်၌ တွေ့ရှိရသည်။အလားတူ စစ်ကောင်စီတပ်ကားလေးစီး ကိုလည်း မီးရှို့ဖျက်ဆီးခဲ့သည်ကိုလည်း​တွေ့ရသည်။

Public Service Announcement

ယခုတိုက်ပွဲ မှတ်တမ်း၏ အသေးစိတ်အချက် အလက်များ သိရှိနိုင်ရန် ကရင်နီတပ်ပေါင်းစုများထံ People’s Spring အနေဖြင့် ဆက်သွယ်နေဆဲ ဖြစ်သည်။

ယခုလ ၄ ရက်ကလည်း ဘောလခဲမြို့နယ်၌ အကြမ်းဖက်စစ်ကောင်စီယာဥ်နှစ်စီးကို ကရင်နီတပ်ဖွဲ့များက ကြားဖြတ်တိုက်ခိုက်နိုင်ခဲ့ပြီး ခဲယမ်းအချို့ရရှိကာ စစ်ကားနှစ်စီးကို မီးရှို့ဖျက်ဆီးနိုင်ခဲ့သည်။