Connect with us

Hi, what are you looking for?

News

ထီရိရွာမှ စစ်ကော်စီတပ်ဂိတ်စခန်းကို ကရင်နီပူးပေါင်းတပ် တိုက်ခိုက် ဗိုလ်မှူးတစ်ဦးအပါအဝင် ၅ဦးဖမ်းမိ

ကရင်နီဒေသ ဘောလခဲနှင့် ဖရူဆိုကြား၌လည်း ပြီးခဲ့သည့် ရက်ပိုင်းများအတွင်း တိုက်ပွဲများပြင်းထန်ခဲ့ရာ စစ်ကောင်စီတပ်မှ သေဆုံးထိခိုက်မှုများပြားခဲ့ပြီး စစ်ကောင် စီယာဉ်များလည်း ပျက်စီးခဲ့သည်။

(ဖမ်းဆီးရမိ​သော စစ်​ကောင်စီတပ်မှ ဗိုလ်မှူးတစ်ဦးအပါအဝင် စစ်သား ၅ ဦးနှင့် သိမ်းဆည်းရမိ​သောလက်နက်ခဲယမ်းများ ။ ဓါတ်ပုံ-KNIC)

▪️စစ်ကောင်စီတပ် ၃၀ခန့်သေပြီး အရှင်ဖမ်းမိသူနှင့် လက်နက်ခဲယမ်းများလည်းရရှိဟု KNDF တာဝန်ရှိသူပြော

ရှမ်း- ကယား(ကရင်နီ)နယ်စပ်မိုးဗြဲအင်းအ​ရှေ့ဘက်ရှိစစ်ကောင်စီတပ်စွဲထား​သောထီရိရွာဂိတ်ကို ကရင်နီပူးပေါင်းတပ်ဖွဲ့က ယနေ့နံနက်တွင် တိုက်ခိုက်ခဲ့ရာ စစ်ကောင်စီတပ်မှသေဆုံးထိခိုက်မှုများပြီး ဗိုလ်မှူးအပါအဝင် ငါးဦးကိုဖမ်းဆီးနိုင်ခဲ့ကြောင်း ကရင်နီအမျိုးသားများကာ ကွယ်ရေးတပ်(KNDF) တာဝန်ရှိသူတစ်ဦးက ပြော သည်။

မေ ၁၂ရက် နံနက်က ဖယ်ခုံမြို့နယ် ထီရိရွာရှိ စစ်ကောင်စီတပ် ဂိတ်စခန်းကို KNDF တပ်ရင်း(၃)နှင့် ဒေသခံပြည်သူ့ကာကွယ်ရေးတပ်(PDF) ပူးပေါင်းတပ်က တိုက်ခိုက်ခဲ့ရာ ​ဗိုလ်မှူးတစ်ဦးအပါအဝင်ငါးဦးဖမ်းမိခြင်းဖြစ်သည်ဟု ကရင်နီ​ဒေသတွင်းမီဒီယာဖြစ်​သော KNIC ကလည်းသတင်း​ဖော်ပြသည်။

(ဖမ်းဆီးရမိ​သော စစ်​ကောင်စီတပ်မှ ဗိုလ်မှူးတစ်ဦးအပါအဝင် စစ်သား ၅ ဦးနှင့် သိမ်းဆည်းရမိ​သောလက်နက်ခဲယမ်းများ ။ ဓါတ်ပုံ-KNIC)

အ​မြောက် ၊စက်လက်များအပါအဝင်အနည်းဆုံး ​သေနတ် ၁၃ လက်၊ အာပီဂျီများ နှင့် ခဲယမ်းများစွာကို ကရင်နီပူး​ပေါင်းတပ်ဖွဲ့များက သိမ်းဆည်းနိုင်ခဲ့သည်ကို​ သတင်းဓါတ်ပုံတွင်တွေ့ရသည်။

Public Service Announcement

Public Service Announcement

Public Service Announcement

“ကျွန်တော်ကြားရတာက စစ်ကောင်စီက ၃၀လောက်ကျတယ်လို့ပြောတယ်။ နောက်အရှင်ဖမ်းရတာလည်းရှိတယ်။ လက်နက်လည်း သိမ်းဆည်းရမိတယ်တဲ့။ ဘယ်နှစ်လက် ဘယ်နှစ်ယောက်လောက် ဖမ်းမိတယ်ဆိုတာတော့အတိအကျ မသိရသေးဘူး”ဟု KNDF တာဝန်ရှိသူက ပြောသည်။

(ဖမ်းဆီးရမိ​သော စစ်​ကောင်စီတပ်မှ ဗိုလ်မှူးတစ်ဦးအပါအဝင် စစ်သား ၅ ဦးနှင့် သိမ်းဆည်းရမိ​သောလက်နက်ခဲယမ်းများ ။ ဓါတ်ပုံ-KNIC)

ကရင်နီဒေသ ဘောလခဲနှင့် ဖရူဆိုကြား၌လည်း ပြီးခဲ့သည့် ရက်ပိုင်းများအတွင်း တိုက်ပွဲများပြင်းထန်ခဲ့ရာ စစ်ကောင်စီတပ်မှ သေဆုံးထိခိုက်မှုများပြားခဲ့ပြီး စစ်ကောင် စီယာဉ်များလည်း ပျက်စီးခဲ့သည်။

ကရင်နီဒေသနှင့် ရှမ်း-ကယား နယ်စပ်တွင် စစ်ကောင်စီတပ်များကို ကရင်နီတပ်မတော်(KA)၊ KNDF၊ ဒေသခံ ပြည်သူ့ကာကွယ်ရေးတပ်(PDF)နှင့် အခြားတော်လှန် ရေးအင်အားစုများစုပေါင်း၍ ခုခံတိုက်ခိုက်လျက်ရှိသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ကရင်နီဒေသက စစ်ဘေးရှောင်ကလေးငယ်တွေရဲ့ ပညာရေးအတွက် ထောက်ပံ့ပေးမယ့် "Keep Their Dreams Alive Thadingyut Charity Concert 2026" ပွဲကို အွန်လိုင်းကနေ ပြုလုပ်သွားမှာဖြစ်ပြီး တော်လှန်အနုပညာရှင် ဂီတအဖွဲ့ သုံးဖွဲ့က ပါဝင်တင်ဆက်သွားမှာပါ။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook