အမျိုးသားညီညွှတ်ရေးအစိုးရ(NUG )နဲ့ AA စစ်ဦးစီးချုပ် ဗိုလ်ချုပ်ထွန်းမြတ်နိုင်တို့ ဒီနေ့ မှာ အွန်လိုင်းကနေ ၂ နာရီကြာတွေ့ဆုံဆွေးနွေးလိုက်ကြတယ်လို့ NUG က သတင်းထုတ်ပြန်ပါတယ်။
တွေ့ဆုံမှုမှာ NUG ရဲ့ နိုင်ငံခြားရေးဝန်ကြီး ဒေါ်ဇင်မာအောင် ၊ ဦးမင်းကိုနိုင်တို့ ဦးဆောင်တဲ့ မဟာမိတ်ဆက်ဆံရေးကော်မတီ နဲ့ AA စစ်ဦးစီးချုပ် ဗိုလ်ချုပ် ထွန်းမြတ်နိုင် ၊ဒုတိယ စစ်ဦးစီးချုပ် ဒေါက်တာညိုထွန်းအောင်တို့ တက်ရောက်ကြတယ်လို့သိရပါတယ်။
အဲဒီတွေ့ဆုံမှုမှာ မြန်မာနိုင်ငံရဲ့လက်ရှိဖြစ်ပျက်နေတဲ့နိုင်ငံရေးအခြေအနေ၊ တိုင်းပြည်အခြေအနေတွေကို နှစ်ဖက် ပွင့်ပွင့်လင်းလင်း အပြန်အလှန်ဆွေးနွေးခဲ့ကြတယ်လို့သိရပါတယ်။
