Connect with us

Hi, what are you looking for?

LuduNwayOo

သတင်း

‘နိုင်ငံ​ပျောက်သူ’ ဇာတ်လမ်းတိုရုပ်ရှင် ၈နာရီအတွင်း ကြည့်ရှုသူ ငါးသိန်း​ကျော်အထိရှိ

“ကျွန်တော်တို့ နိုင်ငံကြီး နာရေးဖြစ်နေတယ်ဆိုတာကို အားလုံးမမေ့ထားစေချင်ပါဘူး”ဟု သရုပ်​ဆောင် ဒေါင်းက ပြောသည်။

နိုင်ငံ​ပျောက်သူ
နိုင်ငံ​ပျောက်သူ

နွေဦးတော်လှန်ရေး၏ လိုအပ်သည့်နေရာများကို လှူဒါန်းနိုင်ရန် ပဒေသာပင် ယူကျူ့ချန်နယ်တွင် တင်ထားသည့် ‘နိုင်ငံပျောက်သူ’ ဇာတ်လမ်းတိုရုပ်ရှင်ကို ၈နာရီအတွင်း ကြည့်ရှုသူ ငါးသိန်းကျော်အထိ ရှိလာသည်။

နိုင်ငံပျောက်သူ ရုပ်ရှင်ကို မေလ ၃၀ရက် နံနက် ၈နာရီတွင် စတင်ကြည့်ရှုနိုင်ခဲ့ခြင်းဖြစ်ပြီး ညနေ ၄နာရီအထိ ကြည့်ရှုသူ ငါးသိန်းကျော်ရှိသည်။

ယင်းဇာတ်ကားကို ဒါရိုက်တာ ဏကြီးက ရိုက်ကူးပုံဖော်ထားပြီး သရုပ်​ဆောင်ဒေါင်းနှင့် ပိုင်ဖြိုးသုတို့ ပါဝင်သရုပ်‌ဆောင်ထားသည်။

ယင်းဇာတ်ကား ကြည့်ရှုသူများကို ကျေးဇူးတင်ကြောင်း ဒေါင်းနှင့် ပိုင်ဖြိုးသုတို့က ပြောကြားထားပြီး နွေဦးတော်လှန်ရေး၏ လိုအပ်သည့်နေရာများကို တိုက်ရိုက်လှူဒါန်းမည်ဖြစ်သောကြောင့် ဖေ့စ်ဘွတ်ခ်၌ ဇာတ်ကားကို ပြန်တင်ခြင်းမပြုလုပ်ရန်လည်း မေတ္တာရပ်ခံထားသည်။

“ကျွန်တော်တို့ နိုင်ငံကြီး နာရေးဖြစ်နေတယ်ဆိုတာကို အားလုံးမမေ့ထားစေချင်ပါဘူး”ဟု သရုပ်​ဆောင် ဒေါင်းက ပြောသည်။

ယင်း‌ဇာတ်ကားကြည့်ရှုပြီးသူတိုင်းက ကြိုက်နှစ်သက်ကြောင်းနှင့် မျက်ရည်ကျရကြောင်း ဖေ့စ်ဘွတ်ခ်၌ ပြန်လည်မျှဝေထားကြပြီး ဇာတ်ကားတွင်ပါသည့် “အရှုံးမပေးမချင်း ငါတို့နိုင်တယ်” ဒိုင်ယာလော့ခ်ကိုလည်း ဖေ့စ်ဘွတ်ခ်၌ ​ရေးသားသူများပြားခဲ့သည်။

အနုပညာရှင်များက မေတ္တာရပ်ခံထားသော်လည်း အချို့သူများက အဆိုပါ ရုပ်ရှင်ကို Download ပြုလုပ်၍ ဖေ့စ်ဘွတ်ခ်တွင်တင်သူများရှိသောကြောင့် Report ပြုလုပ်ခဲ့ရသည့် ဖြစ်စဉ်များလည်းရှိသည်။

‌‌ဒါရိုက်တာ ဏကြီး ၊ ဒေါင်း ၊ပိုင်ဖြိုးသုတို့အပါအဝင် ယင်းဇာတ်ကားကိုဖန်တီးထားသူများသည် နွေဦးတော်လှန်ရေး၌ ပြည်သူနှင့် အတူရပ်တည်ခဲ့၍ အာဏာသိမ်းစစ်ကောင်စီက မတရားပုဒ်မတပ်ခဲ့သောကြောင့် မြန်မာနိုင်ငံပြင်ပ၌ ရှောင်တိမ်းနေရသူများဖြစ်သည်။

ယင်းဇာတ်ကားကို နွေဦးဗီဒီယို Application တွင် ဇွန် ၂ ရက်၌ တင်ပေးမည်ဖြစ်သည်။

You May Also Like

သတင်း

မြန်မာပြည်တွင်းတွင် ပြည်သူများက အပြင်မထွက်၊ တိတ်ဆိတ်ငြိမ်သက်ခြင်းသပိတ် (Silent Strike) ဖြင့် စစ်အာဏာရှင်စနစ်ကို လက်မခံကြောင်း ဆန့်ကျင်ဆန္ဒပြကြ သကဲ့သို့ ယူကေရောက် တိုင်းရင်းသားညီအစ်ကို မောင်နှမများကလည်း လန်ဒန်မြို့လယ်ရှိ Trafalgar Square တွင် ဆန္ဒပြပွဲ ကျင်းပခဲ့ကြခြင်း ဖြစ်သည်။

သတင်း

မင်းအောင်လှိုင်ဦးဆောင်သော အကြမ်းဖက်စစ်အုပ်စုက ပြည်သူ့ဆန္ဒအမှန်ဖြစ်သော ရွေးကောက်ပွဲ ရလဒ်ကို လက်မခံဘဲ ပြည်သူ့အာဏာကို လက်နက်အားကိုးဖြင့် အနိုင်ကျင့်လုယူရန်ကြိုးစားမှုအား ပြည်သူလူထုတစ်ရပ် လုံးက ခေါင်းငုံ့မခံဘဲ ဆန့်ကျင်တော်လှန်ခဲ့ကြသည့် ပြည်သူ့နွေဦးတော်လှန်ရေးသည် ယနေ့ တွင် (၂)နှစ်ပြည့်ခဲ့ပြီဖြစ်သည်။

သတင်း

"တသံတည်းညီ တချီတည်းရုန်း"ဆိုသည့် ခေါင်းစဥ်ဖြင့်ပြုလုပ်မည့် အဆိုပါ ပြည်သူ့နွေဦးတော်လှန်ရေး (၂)နှစ်ပြည့် လူထုတိုက်ပွဲကို ဖေဖော်ဝါရီ ၁ရက် နံနက် (၁၀)နာရီမှ ညနေ (၃) နာရီအတွင်း ပြုလုပ်မည်ဖြစ်ကြောင်း တော်လှန်ရေးအင်အားစုများက အသိပေးထုတ်ပြန်သည်။

သတင်း

စစ်အုပ်စုအာဏာသိမ်းမှု​ကြောင့် ပြည်ပရင်းနှီးမှုများစွာထွက်ခွာသွားသလို ၊ကုန်သွယ်​ရေးလည်းကျဆင်း​နေပြီး စီးပွား​ရေးကျဆင်းမှုဆိုးရွာကာ မတည်ငြိမ်မှုများ​ကြောင့် ၂၀၂၂-၂၀၂၃ တွင်မြန်မာ့စီးပွား​ရေးအ​​ခြေအ​နေကို ကမ္ဘာဘဏ်ကပင် မခန့်မှန်းတက်​ဟုထုတ်ပြန်ခဲ့သည်။