စစ်ကိုင်းတိုင်း၊ မင်းကင်းနှင့် ကနီမြို့နယ်တို့၌ ချင်းတွင်းမြစ်ရိုးတစ်လျှောက်ရှိ ကျေးရွာ ၁၄ရွာထက်မနည်းမီးရှို့ခံခဲ့ရပြီး နေအိမ် ၁,၀၀၀ကျော် ပျက်စီးဆုံးရှုံးသွားခဲ့ရကြောင်း နဂါးညီနောင်အထူးတပ်ဖွဲ့(DBTF) က ထုတ်ပြန်သည်။
မေလအတွင်း ဆက်သွယ်ရေးလိုင်းများဖြတ်တောက်ပြီး အင်အားအဆမတန် တိုးလာသည့် စစ် ကောင်စီတပ်သည် စစ်ကိုင်းတိုင်းရှိ ကျေးရွာများကို ပိုက်စိပ်တိုက်မီးရှို့ခဲ့မှုအနက် မင်းကင်း
နှင့် ကနီမြို့နယ်တွင် အိုးမဲ့အိမ်မဲ့ ဖြစ်ခဲ့ရသည့် ပြည်သူ ၃,၀၀၀ ထက်မနည်းရှိလာကြောင်း DBTF က ဆိုသည်။
မင်းကင်းမြို့နယ်တွင် မီးရှို့ခံရသည့် ကျေးရွာများအနက် နှင်းကြီးရွမှာ အိမ် ၁၁၄လုံး၊လက်ချိတ်ရွာ မှ အိမ် ၆၀ ၊ဖတ်ခတ်ကျေးရွာမှ ၄ အိမ်၊ သံပေါက်ကျေးရွမှာ ၁၃၅ အိမ်၊ဇင်ကလဲရွမှာ ၁၉၈ အိမ် ၊သင်တောကျေးရွမှာ ၈ အိမ်၊ဘင်ကျွန်း(တဲတန်း)မှ ၂၂ လုံး၊ဘင်ရွမှာ ၁၁၄ လုံး ၊အုပ်နှဲဘုတ်ရွာမှ ၄ လုံး နှင့် အနောက်တောရွာမှ ၃ လုံး တို့ ဖြစ်သည်။
ထို့အတူ ကနီမြို့နယ် ၊အထက်ကင်းကျေးရွာရှိ နေအိမ် ၁၃၀ ၊ အောက်ကင်းကျေးရွာ အိမ်ခြေ ၂၁၀၊ ကဲဒေါင်ကျေးရွာမှ ၁၉၄ လုံး၊ချမ်းသာစုကျေးရွာမှ ၄ လုံး တို့မှာ မီးရှို့ဖျက်ဆီးခံခဲ့ရသည်။
Public Service Announcement
“အခု ဒီမီးရှို့ခံခဲ့ရတဲ့ ပြည်သူတွေရဲ့နေအိမ်တွေဟာ ပြီးခဲ့တဲ့ မေလအတွင်း အကြမ်းဖက်စစ်တပ်ရဲ့ ယုတ်မာမှု သမိုင်းဖြစ်တယ်”ဟု DBTF တာဝန်ရှိသူက People’s Springသို့ ပြောသည်။
လက်ရှိတွင် ရွာစဥ် မီးပတ်ရှို့နေသည့် စစ်ကောင်စီတပ်သည် ကနီ မုဌောကျေးရွာ၌ အင်အား ၁၀၀ ကျော်ဖြင့် တပ်စွဲထားကြောင်း DBTF က အသိပေးသည်။
မေလဆန်းပိုင်းကစ၍ အကြမ်းဖက်စစ်တပ်က စစ်ကိုင်းရှိ မုံရွာ၊ကနီ၊ယင်းမာပင်၊ဆားလင်းကြီး၊ပုလဲ၊ခင်ဦး၊ရေဦး၊ကန့်ဘလူ၊ကျွန်းလှ နှင့် ကောလင်းတို့တွင် ဆက်သွယ်ရေးလိုင်းများ ဖြတ်တောက်ပြီး အပြစ်မဲ့ပြည်သူများအားသတ်ဖြတ်ခြင်း ၊နေအိမ်များမီးရှို့ခြင်း အပါအဝင် စစ်ရာဇ ဝတ်မှုများစွာကျူးလွန်နေကြောင်း ဒေသခံလူမှုအဖွဲ့အစည်းများက ထုတ်ပြန်ထားသည်။
