မန္တလေး အိုးဘိုထောင်မှာ ရာဇသတ်ကြီးပုဒ်မ ၅၀၅ နဲ့ ဖမ်းဆီးခံထားရတဲ့ နိုင်ငံရေးအကျဉ်းသားတွေကို ထောင်အာဏာပိုင် အချို့ရိုက်နှက်ကာ ဓားနဲ့ထိုးတာရှိခဲ့တယ်လို့ နိုင်ငံရေးအကျဉ်သားအမှု တွေလိုက်ပါဆောင်ရွက်ပေးနေတဲ့ ရှေ့နေအသိုင်းအဝိုင်းကနေတဆင့်သိရပါတယ်။
ဇွန်လ ၅ ရက်က အိုးဘိုထောင်ထဲမှာ ထောင်ဝန်ထမ်း တွေနဲ့ အကျဉ်းသား အချို့ အချင်းများခဲ့ကြပြီး ထောင်ဝန်ထမ်းတွေ စတင်ရိုက်နှက်ထိုးကြိတ်တာတွေရှိခဲ့တယ်လို့သိရပါတယ်။
အမျိုးသားအဆောင် အခန်း (၁) ထဲက ၅၀၅ နဲ့အမှုရင်ဆိုင်နေရသူတွေကို ဝိုင်းဝန်းရိုက်နှက်ခဲ့ပြီး ထောင်ပိုင်က ဓားနဲ့ထိုးခဲ့တယ်လို့ ရှေ့နေအသိုင်းအဝိုင်းက ထောင်တွင်း အခြေအနေကို စုံစမ်းသိရသလောက်ပြောပြပါတယ်။
ရိုက်နှက်ခံရတဲ့ နိုင်ကျဉ်းတွေထဲက ၂ ဦးဟာ စိုးရိမ်ရပြီး ၁ ဦးဟာ ဓားနဲ့ထိုးတာခံလိုက်ရတယ်လို့ ပြည်ကြီးတံခွန် သပိတ်အင်အားစု(မန္တလေး)ကလည်းသတင်းထုတ်ပြန်ထားပါတယ်။
Public Service Announcement
ဒါအပြင် ဖြစ်စဉ်နဲ့ပတ်သက်ပြီး ၁၂ ဦးခန့်ကို ထောင်အာဏာပိုင်တွေက တိုက်ပိတ်ထားလိုက်တယ်လို့သိရပါတယ်။
