Connect with us

Hi, what are you looking for?

သတင်း

ကန်ပက်လက် CDF တပ်စခန်း၌ နေရာဝင်ယူထားသည့် စစ်ကောင်စီတပ်ကို ပူးပေါင်းတပ် တိုက်ခိုက်

ယနေ့ တိုက်ပွဲများအတွင်း စစ်ကောင်စီတပ်က အနည်းဆုံး ၆ဦး သေဆုံးနိုင်ပြီး ကာကွယ်ရေးပူးပေါင်းတပ်မှ ထိခိုက်မှုမရှိဟု ဖော်ပြသည်။

(CDF ကန်ပက်လက် တပ်ဖွဲ့ဝင်များ။ ။ဓါတ်ပုံ-CDF)
(CDF ကန်ပက်လက် တပ်ဖွဲ့ဝင်များ။ ။ဓါတ်ပုံ-CDF)

ပိတ်မိစစ်ကောင်စီတပ်ကို စစ်ကူပေးမည့် မြို့ပေါ်ရှိ စစ်ကြောင်းအား ပြောက်ကျားစစ်ဆင်နွှဲ

ကန်ပက်လက်မြို့နယ် ချင်းကာကွယ်ရေးတပ်(CDF) ၏ တပ်ရင်း(၂) Vakok ကို ယမန်နေ့က သိမ်းပိုက်နေရာယူထားသည့် စစ်ကောင်စီတပ်ကို ယနေ့ မနက်တွင် ကာကွယ်ရေးပူးပေါင်းတပ်ဖွဲ့များက ပြန်လည်ဝိုင်းပတ် ပိတ်ဆို့ တိုက်ခိုက်ခဲ့ကြောင်း ကန်ပက်လက် CDFက အသိပေးသည်။

ဇွန်လ ၁၁ရက် နံနက် ၇နာရီခန့်တွင် ကန်ပက်လက် CDF တပ်စခန်းနေရာကို နေရာယူထားသည့် စစ်ကောင်စီတပ်ကို တိုက်ခိုက်ရန် ချဉ်းကပ်ခဲ့ရာ စစ်ကောင်စီတပ်ဖွဲ့ဝင် သုံးဦး စခန်းအပြင် ထွက်လာ၍ ရှင်းလင်းခဲ့ကြောင်း ဖော်ပြထားသည်။

ထိုသို့ တိုက်ခိုက်မှုကြောင့် စစ်ကောင်စီတပ်များ စခန်းအပြင်မထွက်လာတော့ဘဲ ကတုတ်ကျင်းများ တွင် သာ ပုန်းအောင်းနေရာ ပူးပေါင်းတပ်ဖွဲ့က ဒရုန်းအသုံးပြုပြီး ဗုံးသီးများပစ်ချ တိုက်ခိုက်ခြင်း၊ လက်လုပ် လက်နက်ကြီးများဖြင့် ပစ်ခတ်ခြင်း ပြုလုပ်ကာ စစ်ကောင်စီတပ်များကို ပိတ်ဆို့နိုင်ခဲ့သည်ဟု ဆိုသည်။

Public Service Announcement

တစ်ဖက်တွင်လည်း ကန်ပက်လက် CDFသည် ကန်ပက်လက် မြို့ပေါ်၌ မြို့တွင်း ပြောက်ကျားစစ် ဆင်နွှဲခဲ့ကြောင်း၊ နေ့လည်ပိုင်းတွင် စစ်ကောင်စီတပ် စစ်ကြောင်းသည် ကန်ပက်လက် CDF တပ်စခန်းနေရာ၌ ပိတ်မိနေသည့် စစ်ကောင်စီတပ်များကို စစ်ကူပေးရန် အင်အား ၁၀၀ ခန့်ဖြင့် ထွက်လာရာ အဆိုပါ စစ်ကြောင်းကို နေ့လည်ပိုင်းမှစ၍ သုံးကြိမ် တိုင်တိုင် ပြောက်ကျားနည်းဖြင့် တိုက်ပွဲဖော်ဆောင်ခဲ့ကြောင်း ဖော်ပြထားသည်။

Public Service Announcement

Public Service Announcement

ထိုသို့ တိုက်ခိုက်ခံရသည့် စစ်ကူစစ်ကြောင်းသည် စစ်ကူမသွားတော့ဘဲ မြို့တွင်းသို့ ပြန်ဝင်သွားကြောင်း ကန်ပက်လက် CDFက ထုတ်ပြန်သည်။

ယနေ့ တိုက်ပွဲများအတွင်း စစ်ကောင်စီတပ်က အနည်းဆုံး ၆ဦး သေဆုံးနိုင်ပြီး ကာကွယ်ရေးပူးပေါင်းတပ်မှ ထိခိုက်မှုမရှိဟု ဖော်ပြသည်။

ကန်ပက်လက် CDF ပါဝင်သည့် ပူးပေါင်းတပ်နှင့် စစ်ကောင်စီတပ်သည် ဇွန်လ ၉ရက်မှစ၍ တိုက်ပွဲများနေ့စဉ် ဖြစ်ပွားခဲ့ရာ စစ်ကောင်စီတပ်မှ သေဆုံးထိခိုက်များခဲ့သည်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

ချင်းပြည်နယ်တောင်ပိုင်း ကန်ပက်လက်မြို့နယ်တိုက်ပွဲ ဖမ်းမိတဲ့ စစ်သုံ့ပန်းတွေမှာ စစ်တပ်ထံ လက်နက်ချ အညံ့ခံသွားတဲ့ နဂါးရဲ့ BNRA တပ်ဖွဲ့ဝင်ဟောင်းအချို့ ပါဝင်ကြောင်း ဒေသခံ သတင်းရင်းမြစ်အချို့က အသိပေးပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

Facebook