Connect with us

Hi, what are you looking for?

LuduNwayOo

သတင်း

ကန့်ဘလူနယ်မြောက်ခြမ်းတွင် စစ်ကောင်စီတပ် မီးရှို့၍ တစ်ပတ်အတွင်း ​ကျေးရွာ ၇ရွာမှ နေအိမ် ၅၀၀ခန့် မီးလောင်ပျက်စီး

ကိုင်းမ ကျေးရွာတွင် နေအိမ်၁၀လုံး၊ နှောကုန်းရွာတွင် နေအိမ် ၅၂လုံး၊ လျော်ဖြူကုန်းရွာမှ နေအိမ် ၁၁၈ လုံးနှင့် စပါးကျည် ၃၅လုံး၊ ဇော်ချောင်းကျေးရွာမှ နေအိမ် ၈၉ လုံး၊ အလယ်ခုံ ကျေးရွာမှ ဘုန်းကြီးကျောင်း၁ ကျောင်းနှင့် နေအိမ် ၁၆၄လုံးတို့ကို စစ်ကောင်စီတပ်က မီးရှို့ခဲ့ခြင်းဖြစ်ကြောင်း ထုတ်ပြန်သည်။

ကန့်ဘလူနယ်မြောက်ခြမ်းတွင် စစ်ကောင်စီတပ် မီးရှို့
ကန့်ဘလူနယ်မြောက်ခြမ်းတွင် စစ်ကောင်စီတပ် မီးရှို့

▪️ပြည်သူလူထုများ၏ ဆန်စပါးတင်းပေါင်း သိန်းနှင့်ချီ ဆုံးရှုံးခဲ့ရ

စစ်ကိုင်းတိုင်း ကန့်ဘလူမြို့နယ် ကိုးတောင်ဘို့ တိုက်နယ်ဒေသရှိ ကျေးရွာများကို အာဏာသိမ်းစစ်ကောင်စီတပ်များ မီးရှို့ဖျက်ဆီးခဲ့၍ တစ်ပတ်အတွင်းကျေးရွာ(၇)ရွာမှနေအိမ် ၄၉၀ကျော် မီးလောင်ပျက်စီးဆုံးရှုံးခဲ့ရကြောင်း Kotaungbo Revolution က သတင်းထုတ်ပြန်သည်။

ကန့်ဘလူမြို့နယ်မြောက်ခြမ်းက ကိုးတောင်ဘို့တိုက်နယ်ဒေသရှိကျေးရွာများကို စစ်ကောင်စီတပ်များက အငြိုးအတေးကြီးစွာဖြင့် ရွာစဉ်လှည့်မီးရှို့ခဲ့ကြရာ ဇွန်လ ၃ရက်တွင် ရဟတ်ယာဉ် ၂စီးဖြင့် စစ်အင်အား ဖြည့်တင်းခဲ့ကြောင်း၊ ထို့နောက် ဇွန်လ ၅ရက်မှစ၍ ကျေးရွာများကို စစ်ကြောင်းထိုး မီးရှို့ခဲ့ခြင်းဖြစ်ကြောင်း ဖော်ပြထား သည်။

ကိုင်းမ ကျေးရွာတွင် နေအိမ်၁၀လုံး၊ နှောကုန်းရွာတွင် နေအိမ် ၅၂လုံး၊ လျော်ဖြူကုန်းရွာမှ နေအိမ် ၁၁၈ လုံးနှင့် စပါးကျည် ၃၅လုံး၊ ဇော်ချောင်းကျေးရွာမှ နေအိမ် ၈၉ လုံး၊ အလယ်ခုံ ကျေးရွာမှ ဘုန်းကြီးကျောင်း၁ ကျောင်းနှင့် နေအိမ် ၁၆၄လုံးတို့ကို စစ်ကောင်စီတပ်က မီးရှို့ခဲ့ခြင်းဖြစ်ကြောင်း ထုတ်ပြန်သည်။

စစ်ကောင်စီတပ် ဇော်ချောင်းကျေးရွာသို့ ရောက်ရှိစဉ် လက်နက်ကြီးဖြင့် ပစ်ခတ်၍ လွင်ကြီးကျေးရွာဘုန်းတော်ကြီးကျောင်းပေါ် လက်နက်ကြီးကျည်ကျရောက်ခဲ့ပြီး အသက်(၇၀)ကျော်အရွယ်အဖိုးတစ်ဦးပြင်းထန်စွာဒဏ်ရာရရှိခဲ့သည်ဟု ဆိုသည်။

စစ်ကောင်စီတပ်သည် အလယ်ခုံရွာကိုမီးရှို့ရန် လာရောက်စဉ် ဒေသကာကွယ်ရေးအဖွဲ့များနှင်ထိတွေ့တိုက်ပွဲဖြစ်ပွားခဲ့ရာ လက်နက်ကြီးအင်အားများစွာသုံးပြီး ပစ်ခတ်ခဲ့၍ ကာကွယ်ရေးတပ်ဖွဲ့များနောက်ဆုတ်ခဲ့ရကြောင်း ထုတ်ပြန်သည်။

စစ်ကောင်စီတပ်သည် ကျေးရွာ(၇)ရွာမီးရှို့ခံခဲ့ရသည့် အတွက်တောင်သူများ၏ အတွင်းပစ္စည်းများစွာဆုံးရှုံးခဲ့ရပြီးဆန်စပါးတင်းသိန်းနှင်ချီ၍ဆုံးရှုံး နစ်နာခဲ့ရသည်ဟု ဖော်ပြထားသည်။

ကန့်ဘလူနယ်မြောက်ခြမ်းတွင် စစ်ကောင်စီတပ် မီးရှို့
ကန့်ဘလူနယ်မြောက်ခြမ်းတွင် စစ်ကောင်စီတပ် မီးရှို့

စစ်ကောင်စီတပ်များသည် စစ်ကိုင်းတိုင်းရှိ မြို့နယ်များမှ ကျေးရွာအများအပြားကို ရည်ရွယ်ချက်ရှိရှိ လိုက်လံမီးရှို့ခဲ့ရာ မေလအတွင်းက စစ်ကောင်စီတပ်လက်ချက်ကြောင့် စစ်ကိုင်းတိုင်းရှိ ပြည်သူလူထုနေအိမ် ၆၃၀၀ ကျော် မီးလောင်ပျက်စီးခဲ့ရကြောင်း Data for Myanmarက ထုတ်ပြန်ထားသည်။

You May Also Like

သတင်း

ယမန်နေ့(နိုဝင်ဘာ ၂၈ ရက်)နံနက် ၉နာရီခွဲခန့်က ဝက်လက်မြို့နယ်၊ သားနားကျေးရွာမှ ထွက်လာသော အင်အား ၇၀ခန့်ပါ စစ်ကောင်စီတပ်စစ်ကြောင်းအား ပြင်းအားမြင့် မိုင်းနှစ်လုံးဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ်သား ငါးဦးထက်မနည်း ထိခိုက်သေဆုံးနိုင်ပြီး အများအပြားထိခိုက်ဒဏ်ရာရရှိသွားကြောင်း BLACK WOLF -ARMY (PDF)အဖွဲ့ တာဝန်ခံက ပြောသည်။

သတင်း

ဆူးပုတ်ချောင်ရွာကို စစ်ကောင်စီတပ် မီးရှို့ပြီးနောက် နိုဝင်ဘာ ၂၇ရက်တွင် ဒေသခံ ပြည်သူ့ကာကွယ်ရေးတပ်များက စစ်ကောင်စီတပ်ကို ခုခံတိုက်ခိုက်ခဲ့ရာ တိုက်ပွဲပြင်းထန်ခဲ့ပြီး စစ်ကောင်စီတပ်က လေကြောင်းပစ်ကူဖြင့်တိုက်ခိုက်ခဲ့သည်။

သတင်း

စစ်ကောင်စီတပ်သားများအငိုက်မိပြီး စစ်သား၃ဦး သေဆုံးကာ အများအပြား ဒဏ်ရာရရှိသွားကြောင်း SBDF အဖွဲ့က ထုတ်ပြန်ခဲ့သည်။

သတင်း

စစ်တပ်ဟာ ၂၀၂၁ ဖေဖော်ဝါရီ အာဏာသိမ်းဖို့ကြိုးပမ်းစဥ်ကစလို့ ဖြတ်လေးဖြတ်မဟာဗျူဟာကို ကျင့်သုံးခဲ့ရာ မြို့နယ်ပေါင်း ၂၀ ကျော်ကို အင်တာနက်ဖြတ်တောက်တာ၊ နိုင်ငံသားဆိုင်ရာအခန်းကဏ္ဍဆုတ်ယုတ်​စေတာ အပါအဝင် များပြားလှတဲ့အရေးယူကန့်သတ်မှုတွေကို လုပ်ခဲ့ပါတယ်။