'/%3E%3C/svg%3E){kind=small}
တနင်္သာရီတိုင်း၊ လောင်းလုံးမြို့နယ်တွင် စစ်ကောင်စီတပ်သားများက CDM ဝန်ထမ်းများနှင့် ဒီမိုကရေစီလိုအရေးတက်ကြွလှုပ်ရှားသူများကို ယနေ့ (ဇွန်၁၆ ရက်) နေ့လယ်မှ စတင်ပြီး ဖမ်းဆီးနေ၍ အမြန် ရှောင်တိမ်းရန် လောင်းလုံးမြို့နယ်၊ပြည်သူ့အုပ်ချုပ်ရေးအဖွဲ့ (ပ.အ.ဖ)က ထုတ်ပြန်လိုက်သည်။
စစ်ကောင်စီတပ်ကဖမ်းဆီးသူများထဲတွင် တော်လှန်ရေးဦးဆောင်သူများ၊ CDMဝန်ထမ်းများ၊ နိုင်ငံရေးပါတီဝင်များ နှင့်တက်ကြွလှုပ်ရှားသူများပါဝင်သည်ဟု လောင်းလုံးမြို့နယ်ပ.အ.ဖ ထုတ်ပြန်ချက်တွင်ပါရှိသည်။
ထိုပုဂ္ဂိုလ်များအနေဖြင့် စစ်ကောင်စီတပ်များ၏မတရားဖမ်းဆီးမှုမခံကြရန်နှင့် ၎င်းတို့နှင့်ထိတွေ့ဆက်ဆံနေသူများအနေဖြင့် လုံခြုံဘေးကင်းသည့်နေရာများကို တိမ်းရှောင်ကြရန်တိုက်တွန်းထားသည်။
လောင်းလုံးမြို့နယ်အတွင်း ယနေ့နံနက် ၅နာရီတွင် မြေသယ်ကားများဖြင့် CDMဝန်ထမ်းများကို လိုက်လံဖမ်းဆီးနေပြီး ယနေ့ညနေပိုင်းအထိ CDMဝန်ထမ်း ၇ယောက်ဦး ဖမ်းဆီးခံရသည်ဟု ဒေသခံများကပြောသည်။
Public Service Announcement
“မနေ့ကPDFတွေကို တောနင်းရှာတယ်။ အင်အား ၃၀၀လောက်ရှိမယ်ထင်တယ်။ ဒီနေ့လည်းမြို့ပေါ်မှာ ဆန္ဒပြပွဲလုပ်တဲ့သူတွေကိုလိုက်ဖမ်းနေတယ်”ဟု လောင်းလုံးမြို့ခံတစ်ဦးကပြောသည်။
တနင်္သာရီတိုင်းအတွင်း လောင်းလုံမြို့နယ်တွင်အကြမ်းဖက် အာဏာရှင်ဆန်ကျင်မှု အားကောင်းသည့်နေရာဖြစ်ပြီး စစ်ကောင်စီတပ်နှင့် ၎င်းတို့ လက်ပါးစေ ပျူစောထီးများ အစစ်ဆေးကြမ်းနေသည့်တိုင် ဆန္ဒပြပွဲများနေစဥွ် ပြုလုပ်လျက်ရှိသည်။
စစ်ကောင်စီတပ်အဖမ်းအဆီးများနေသည့်ကြားမှပင် ယနေ့ညနေတွင်လည်းလောင်းလုံးမြို့နယ်တွင်ဒီမိုကရေစီအရေးလှုပ်ရှားမှု သပိတ်ကော်မတီမှ ဦးဆောင်၍ အကြမ်းဖက်စစ်အာဏာရှင် ဆန့်ကျင်ရေး ပြောက်ကျားသပိတ် ချီတက်ဆန္ဒပြခဲ့ကြသည်။
ထိုအပြင်သပိတ်စစ်ကြောင်းတွင် လူငယ်များက “ငါတို့အားလုံးအကျဉ်းသား အာဏာရှင်ရင်ဝကိုထိုးစိုက်မဲ့ သံမဏိဓား” ဆိုသည့် လူထုကြွေးကြော်သံများဖြင့် စစ်ကောင်စီ၏ မတရားဖမ်းဆီးခံ ပြည်သူများနှင့်အတူ ရပ်တည်ကြောင်း ပြသ၍ လမ်းပေါ်ထွက်ဆန္ဒထုတ်ဖော်ကြသည်။
လောင်းလုံးမြို့နယ် တောင်ပေါ်တစ်နေရာတွင် ယနေ့နံနက်ပိုင်းက အခြေခံပညာကျောင်းသားများသမဂ္ဂမှ ဦးဆောင်၍ ခစစ်ကောင်စီဝင်များ တောနင်းမှုများပြုလုပ်နေတဲ့ကြားမှ တော်လှန်လူငယ်များက “ဖိနှိပ်မှုနှောင်ကြိုးမှ ရုန်းထွက်မည် ခေတ်ပြောင်းတော်လှန်ရေးအဆုံးသတ်ဆီ” (တော်လှန်လောင်းလုံး) ဆိုသည့် စာတန်းကို ချိတ်ဆွဲပြီး စစ်အာဏာရှင်ကိုသပိတ်မှောက် ဆန္ဒပြခဲ့ကြသည်။
