Connect with us

Hi, what are you looking for?

သတင်း

အကျဉ်းထောင်တွေဆီ ICRC သွားရောက်လေ့လာခွင့် စစ်ကောင်စီခွင့်မပြုသေး

အကျဉ်းထောင်တွေကို ICRC လေ့လာခွင့်နဲ့ မိသားစုဝင်တွေ ထောင်ဝင်စာတွေ့ခွင့်တွေကို မြန်မာနိုင်ငံမှာ ကိုဗစ်စတွေ့တဲ့ ၂၀၂၀ ခုနှစ် မတ်လထဲက ဆိုင်းငံထားတာဖြစ်ပါတယ်။

ဓာတ်ပုံ − Zayar Lwin / Facebook
ဓာတ်ပုံ − Zayar Lwin / Facebook

အကျဉ်းထောင်တွေဆီ သွားရောက်လေ့လာခွင့်ကို စစ်ကောင်စီဘက်က ခွင့်မပြုသေးကြောင်း အပြည်ပြည်ဆိုင်ရာ ကြက်ခြေနီအဖွဲ့ကြီး(ICRC)က ဒီနေ့မှာထုတ်ပြန်ပါတယ်။

ICRC ရဲ့ အာရှပစိဖိတ်ဒေသဆိုင်ရာညွှန်ကြားရေးမှူးဟာ ပြီးခဲ့တဲ့ရက်ပိုင်းက နေပြည်တော်ကိုလာရောက်ပြီး စစ်ကောင်စီနဲ့တွေ့ဆုံခဲ့တယ်လို့သိရပါတယ်။

စစ်ကောင်စီရဲ့ ကာကွယ်ရေး ၊ ပြည်ထဲရေး နဲ့ကျန်းမာရေးဝန်ကြီးဌာနတွေနဲ့ တွေ့ဆုံခဲ့တယ်လို့ ICRC ဘက်က ထုတ်ပြန်ထားပါတယ်။

အဲဒီတွေ့ဆုံမှုတွေမှာ အကျဉ်းထောင်တွေဆီသွားရောက်လေ့လာနိုင်ဖို့နဲ့ အကျဉ်းကျသူတွေထံ မိသားစုဝင်တွေ ထောင်ဝင်စာသွားတွေ့ဆုံခွင့် ကိုအမြန်ဆုံးပြန်စတင်နိုင်ဖို့တောင်းဆိုခဲ့တယ်လို့သိရပါတယ်။

Public Service Announcement

Public Service Announcement

ဒါပေမယ့် ICRC ရဲ့ တောင်းဆိုချက် ၂ ချက်လုံးကို စစ်ကောင်စီ က ခွင့်မပြု သေးဘူးလို့သိရပါတယ်။

ICRC ရဲ့ ထုတ်ပြန်ချက်ထဲမှာတော့ ” အဆိုပါအချက် နှစ်ချက်အပေါ် အကျဉ်းထောင်အာဏာပိုင်များသဘောတူညီမှုမရရှိသေးသည့်အတွက် အိုင်စီအာရ်စီက စိတ်မကောင်းဖြစ်ရပါသည်” လို့ဖော်ပြထားပါတယ်။

အကျဉ်းထောင်တွေကို ICRC လေ့လာခွင့်နဲ့ မိသားစုဝင်တွေ ထောင်ဝင်စာတွေ့ခွင့်တွေကို မြန်မာနိုင်ငံမှာ ကိုဗစ်စတွေ့တဲ့ ၂၀၂၀ ခုနှစ် မတ်လထဲက ဆိုင်းငံထားတာဖြစ်ပါတယ်။

လက်ရှိမှာ အကျဉ်းထောင်တွေထဲ ဖမ်းဆီးခံထားရတဲ့ နိုင်ငံရေးအကျဉ်းသားတွေကို ညှင်းပန်းနှိပ်စက်တာ ၊ လူ့အခွင့်အရေးချိုးဖောက်ခံရတာ ၊ ထောင်အာဏာပိုင်တွေနဲ့ လက်ပါးစေတွေက ရိုက်နှက်တာတွေ ရှိနေပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်း ကလေးမြို့ ကလေးအကျဉ်းထောင်အတွင်း အာဟာရပြတ်လပ်မှုနဲ့ ကျန်းမာရေးစောင့်ရှောက်မှု မရှိတာ၊ အာဏာပိုင်တွေက ဖိနှိပ်တာ၊ ရိက္ခာ ခေါင်းပုံဖြတ်တာတွေကြောင့် အိန္ဒိယနိုင်ငံသား အပါအဝင် အကျဉ်းသား ၇ဦး ဒီနှစ်အတွင်း သေဆုံးခဲ့ရကြောင်း ကလေးမြို့လူထုတိုက်ပွဲဦးဆောင်ကော်မတီက ထုတ်ပြန်ပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook