ဂန့်ဂေါတောင်ပိုင်းရှိ ကျေးရွာများသို့ ဝင်ရောက်သောင်းကျန်းနေသော အကြမ်းဖက်စစ်ကောင်စီအုပ်စုသည် ပြည်သူပိုင်ပစ္စည်းများသာမက ဘုရားဌာပနာများပါ ခိုးယူလက်ယက်နေကြောင်း PDF – GanGaw တောင်ပိုင်းတပ်ဖွဲ့မှ ယနေ့(ဇွန် ၂၂) အသိပေးထုတ်ပြန်သည်။
စစ်ကောင်စီတပ်များသည် မြစ်သာတမံ ဆည်ပေါ်ဧည့်ရပ်သာ၌ တပ်စွဲပြီး အနီးဝန်းကျင်ကျေးရွာများဖြစ်သည့် ပနန်းရွာ၊ စပါယ်ရွာ၊ ယင်းမာရွာနှင့် စင်ပုံရွာများသို့ ဇွန် ၁၉ ရက်မှ ၂၁ ရက်အထိ စစ်ကြောင်းထိုးဝင်ရောက်သောင်းကျန်းခဲ့ကြောင်း ထုတ်ပြန်သည်။
ထိုသို့ဝင်ရောက်ရာတွင် အရက်ဘီယာများ မူးယစ်သောက်စားကာ ပစ္စည်းများခိုးယူလုယက်ခြင်း၊ ဆိုင်ကယ်များကိုမီးရှို့ဖျက်ဆီးခြင်း၊ ဘုရားဌာပနာများကိုပါခိုးယူခြင်းတို့ကို ကျူးလွန်ခဲ့ကြောင်း ဖော်ပြသည်။
“မိမိတို့ PDF-GANGAW(တောင်ပိုင်း) တပ်ဖွဲ့အနေဖြင့် ယခုကဲ့သို့ အကြမ်းဖက်စစ်ကောင်စီ၏ လူမဆန်သောလုပ်ရပ်များအားပြင်းထန်စွာကန့်ကွက်ရှုတ်ချပါသည်”ဟု ပြောသည်။
Public Service Announcement
အကြမ်းဖက်စစ်ကောင်စီတပ်များ ဝင်ရောက်သောင်း ကျန်းမှုကြောင့် အထက်ပါကျေးရွာများမှ ဒေသခံပြည်သူတစ်ထောင်ကျော် ဘေးလွတ်ရာ ရှောင်တိမ်းနေရပြီး ဆင်းရဲဒုက္ခများ ရင်ဆိုင်နေကြရကြောင်း အသိပေးသည်။
အဆိုပါစစ်ကြောင်းသည် ဂန့်ဂေါတောင်ပိုင်းသို့ ဝင်ရောက်သောင်းကျန်းပြီးနောက် လက်ရှိအခြေအနေတွင် ထီးလင်းမြို့နယ်၊ ကင်းပန်းရွာနှင့် သံပုရာရွာအနီးတောထဲတွင် တပ်ဖျောက်ထားကြောင်း PDF – GanGaw တောင်ပိုင်းတပ်ဖွဲ့က အသိပေးထုတ်ပြန်ထားသည်။
