Connect with us

Hi, what are you looking for?

သတင်း

ရွာကိုမီးရှို့ပြီး ကျန်တဲ့ပစ္စည်းတွေကိုပါ စစ်ကောင်စီတပ်က ယူသွား

ထုံးဘိုလေးကျေးရွာက စစ်ကောင်စီတပ်သားတွေ ယူဆောင်သွားတဲ့ ပစ္စည်းတွေဟာ ဆိုင်ကယ် (၂၁) စီး၊ နေအိမ်ဆောက်လုပ်မယ့်သစ် (၉၃) တန်ကျော်၊ စပါးတင်းပေါင်း (၃၀၀)ကျော်၊ စားဆီ၊ အိုးခွက်ပန်းကန်အမြောက်အများနဲ့ အခြားလူသုံးကုန်ပစ္စည်းတွေ ပါဝင်တယ်လို့ ထုတ်ပြန်ချက်မှာ ပါရှိပါတယ်။

ရွာကိုမီးရှို့ပြီး ကျန်တဲ့ပစ္စည်းတွေကိုပါ စစ်ကောင်စီတပ်က ယူသွား
ရွာကိုမီးရှို့ပြီး ကျန်တဲ့ပစ္စည်းတွေကိုပါ စစ်ကောင်စီတပ်က ယူသွား

စစ်ကောင်စီတပ်က ကေအဲန်ယူ-သထုံမြို့နယ်ထဲက ထုံးဘိုလေးကျေးရွာကို မီးရှို့ပြီး မီးမလောင်ဘဲ ကျန်နေတဲ့ ဆိုင်ကယ်၊ သစ်တွေနဲ့ အခြားပစ္စည်းတွေကို သယ်သွားကြတယ်လို့ ကေအဲန်ယူ ဒူးသထူခရိုင်က သတင်းထုတ်ပြန်ပါတယ်။

စစ်ကောင်စီတပ်က မီးရှို့ဖျတ်ဆီးခဲ့တဲ့ သထုံမြို့နယ် ထုံးဘိုလေးကျေးရွာအတွင်း မီးမလောင်ပဲ ကျန်ရှိနေသေးတဲ့ ရွာသားပိုင်ဆိုင်ကယ်တွေ၊ ဝါး သစ်တွေ စားအုန်းဆီတွေ အိုးခွက်ပန်းကန်များနဲ့ အခြားပစ္စည်းတွေကို တပ်စခန်းတွေဆီကို ပြီးခဲ့တဲ့ ဇွန် ၂၈ ရက်က သယ်ယူသွားခဲ့တယ်လို့ ထုတ်ပြန်ချက်မှာဖော်ပြထားပါတယ်။

ထုံးဘိုလေးကျေးရွာက စစ်ကောင်စီတပ်သားတွေ ယူဆောင်သွားတဲ့ ပစ္စည်းတွေဟာ ဆိုင်ကယ် (၂၁) စီး၊ နေအိမ်ဆောက်လုပ်မယ့်သစ် (၉၃) တန်ကျော်၊ စပါးတင်းပေါင်း (၃၀၀)ကျော်၊ စားဆီ၊ အိုးခွက်ပန်းကန်အမြောက်အများနဲ့ အခြားလူသုံးကုန်ပစ္စည်းတွေ ပါဝင်တယ်လို့ ထုတ်ပြန်ချက်မှာ ပါရှိပါတယ်။

Public Service Announcement
Public Service Announcement

ဒါ့အပြင် ဇွန်လ (၂၉) ရက် နံနက်ပိုင်းကလည်း ကျန်ရှိနေသေးတဲ့ ပစ္စည်းတွေကို ကား(၄)စီးနဲ့ သယ်ယူသွားခဲ့တယ်လို့ သိရပါသေးတယ်။

Public Service Announcement

Public Service Announcement

ဇွန်လ (၂၅) ရက်က ကေအဲန်ယူ-သထုံမြို့နယ်အတွင်း နယ်မြေကျူးကျော်လာတဲ့ စစ်ကောင်စီရဲ့ ခမရ(၉) ပူးပေါင်းတပ်ဖွဲ့တွေနဲ့ နယ်မြေခံ KNLA ပူးပေါင်းတပ်ဖွဲ့တွေအကြား မိနစ် (၄၀) ခန့်တိုက်ပွဲ ပြင်းထန်ခဲ့ပြီး စစ်ကောင်စီတပ်က ဝီယော်ကျေးနယ်အုပ်စုရှိ ထုံးဘိုလေးကျေးရွာကို မီးရှို့ဖျတ်ဆီးတာ၊ လက်နက်ကြီးနဲ့ ရမ်းသမ်းပစ်ခတ်တာတွေကြောင့် ထုံးဘိုလေးရွာနဲ့အနီးတစ်ဝိုက်က ဒေသခံ ဦးရေ(၁၀၀၀၀)ကျော် ထွက်ပြေးတိမ်းရှောင်နေရတယ်လို့ ထုတ်ပြန်ချက်အရ သိရပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

နေအိမ်၃၀ခန့် မီးလောင်ပျက်စီးပြီး စစ်​ကြောင်းထနောင်းပင်လဲရွာမှာတပ်စွဲ​နေ

သတင်း

ကချင်ပြည်နယ်၊ ဗန်းမော်မြို့နယ် ၃မိုင်ကျေးရွာရှိ ကချင်နှစ်ခြင်းခရစ်ယာန်အဖွဲ့ချုပ်(KBC) ဘုရားကျောင်းနဲ့ လူနေအိမ်များကို မီးရှို့ဖျက်ဆီးခဲ့တဲ့ အာဏာသိမ်းစစ်တပ်ရဲ့ လုပ်ရပ်ကို ပြင်းပြင်းထန်ထန် ကန့်ကွက်ရှုတ်ချကြောင်း ကချင်လူ့အခွင့်အရေးစောင့်ကြည့်အဖွဲ့(KHRW)က ဒီကနေ့ အောက်တိုဘာ ၁၅ရက်မှာ ထုတ်ပြန်ပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။